Anemio

Anemio estas stato en kiu la sango havas malpli ruĝajn globulojn (eritrocitojn) ol en la normala saneca stato. Tiu kaŭzas mankon de oksigeno al teksitoj de l' korpo. La perdo de eritrocitoj kaŭzas damaĝojn de la organoj, lienoŝveliĝon, pulmiton, koro- kaj renohalton kaj finfine antaŭtempan morton.

Jen ĝiaj ĉefaj simptomoj: paleco, laceco, dormemo, kap- kaj muskoldoloroj, palpitacioj, spirmalfacilo, kapturniĝo (vertiĝo), orelaj zumoj, senapetiteco ktp.

Ĉiu kuba milimetro de homa sango enhavas normale 4, 5 ĝis 5 milionojn da ruĝaj globetoj, 7000 ĝis 8000 blankajn globetojn kaj 200000 ĝis 300000 trombocitojn. Cent gramoj da sango enhavas normale 14 ĝis 15 gramojn da hemoglobino, kiu estas la pigmento de la ruĝaj globetoj.

Multenombraj kaŭzoj povas estigi anemion: hemoragioj (sangelĵetado), malario, sifiliso, kancero, renito, kronikaj toksiĝoj, intestaj parazitoj, vajcoj (tabako, alkoholo ktp.) karenca nutrado, nehigiena vivo ktp. Por kuraci la anemion oni devas direktiĝi unue al la kaŭzo, kiu ĝin estigis.

Tipoj de anemioj

• Serpoĉela anemio;

Vidu ankaŭ jenon:

• Hematologio

Eksteraj ligiloj

  http://www.mercksource.com/pp/us/cns/cns_hl_dorlands.jspzQzpgzEzzSzppdocszSzuszSzcommonzSzdorlandszSzdorlandzSzdmd_a_37zPzhtm

  http://www.uptodate.com

  http://www.emedicine.com/med/topic1188.htm

  http://www.aafp.org/afp/990315ap/1598.html