Anton Hansen Tammsaare

Anton Hansen Tammsaare

Anton Hansen TAMMSAARE (naskiĝis Anton HANSEN la 30-an de januaro 1878 en la bieno Tammsaare, komunumo Albu, distrikto Järvamaa, Estonio; mortis la 1-an de marto 1940 en Talino, Estonio) estis estona verkisto. Lia kvinparta romanaro Tõde ja õigus (Vero kaj justo), verkita de 1926 ĝis 1933, apartenas al la ĉefverkoj de la estona literaturo.

En Esperanto aperis

• La korvo kaj la idoj. Tradukis Hilda Dresen. En: Legu kaj parolu! Esperanto legolibro, Prago: Šolc a Šimáček, 1925, paĝoj 19–21.
• La mastro de Kõrboja. (Kõrboja peremees.) Tradukis Benita Kärt. Talino: Eesti Raamat, 1976. 154 paĝoj.
• Knabo kaj papilio. (Poiss ja liblikas.) Tradukis Jaan Ojalo. En: Esperanto, Talino: Eesti Raamat, 1987, paĝoj 50–51.

• 

  "Kurte" №11, kun anonco pri apero de La Mastro de Kõrboja