Balaŝiĥa

El Vikipedio, la libera enciklopedio
Saltu al: navigado, serĉo
Balaŝiĥa

3 дом.jpg

Flago

Blazono

Administrado
Ŝtato Flago-de-Rusio.svg Rusio
Regiono Moskva provinco
Urbestro Jurij Maksimov
Poŝtkodo 143900
Aŭtokodo 50, 90, 150, 190
Telefona antaŭkodo +7 495 52, 498
Kodo laŭ OKATO 46 404
Demografio
Loĝantaro 235 336[1]  (2013)
Loĝdenso 6078 loĝ./km2
Geografio
Geografia situo 55° 48′ N, 37° 57′ O55.837.95Koordinatoj: 55° 48′ N, 37° 57′ O
Alto 150 m
Areo 72 km²
Horzono Moskva tempo (UTC+4)
Balaŝiĥa (Moskva provinco)
DEC
Balaŝiĥa
Balaŝiĥa en Moskva provinco
v  d  r
Information icon.svg

Balaŝiĥa (ruse: Балаши́ха, ofte prononciĝas ankaŭ Бала́шиха) estas urbo en Moskva provinco de Rusio kaj administra centro de urba municipo Balaŝiĥa (la lasta konsistas el la urbo Balaŝiĥa kaj kelkaj vilaĝoj). Balaŝiĥa situas proksime al la orienta limo de Moskvo; ĝi estas la plej granda urbo de Moskva provinco: en 2013 ĝi havas 235 336 loĝantojn[1].

Balaŝiĥa situas ĉe rivero Peĥorka kaj ĝia eta alfluanto Gorenka apud aŭtomobila magistralo M7 "Volgo" MoskvoVladimirNiĵnij NovgorodKazanoUfa. En la urbo estas fervojo: parto de linio Moskvo — Vladimir kaj eta branĉa linio ĝis centro de la urbo.


Nomo[redakti | redakti fonton]

Ekzistas multaj versioj pri tio de kio devenis la nomo de la urbo:

  • la nomo devenas de tjurka lingvaro; "bala" povas signifi "ido";
  • titoligo de persona nomo "Balaŝ"[2]; eble, estis nomo de tatara komercisto;
  • en rusaj dialektoj "balaŝiĥa" (балаши́ха) estas kampo, glata surfaco;
  • deveno de antaŭe ekzistinta tie muelejo[3] aŭ de familinomo de ĝia posedanto (Bloŝin/Bloĥin)[4];
  • nomigita de antikva survoja gastejo (ruse: постоялый двор, malnove parolata "balaŝ")[4].

Historio[redakti | redakti fonton]

Teritorio de la urbo Balaŝiĥa jam en la 10-a jarcento estis loĝata de orient-slavaj popoloj.

La nuntempa urbo teniĝas laŭ Vladimira vojo, laŭ kiu en la 19-a jarcento piediris malliberigitoj el Moskvo al Siberio; ĝis la loko Gorenki (nun apartenanta al Balaŝiĥa) ilin akompanis iliaj parencoj kaj amikoj.

En 1830 en Balaŝiĥa estis organizita tukfabriko. La fabrikado disvastigiĝis, kaj en 1928 Balaŝiĥa akiris statuson de urbotipa loĝloko; ekde 1939 ĝi estas urbo[5].

En la urba municipo Balaŝiĥa estas kelkaj historiaj bienoj: Peĥra-Jakovlevskoje, Gorenki; kelkaj bienoj konserviĝis nun iomete.

Loĝantaro[redakti | redakti fonton]

Laŭ rezultoj de la unua tutrusia popolnombrado en 1897 sur teritorio en nuntempa Balaŝiĥa vivis: en Bloŝino — 800, en Nikolajevskaja Sloboda — 277, en Zeljonaja Roŝĉa — 190, en Peĥra-Jakovlevskoje — 704, en Gorenki — 247, en Maksino — 92, en Peĥra-Pokrovskoje — 701, en Lukino — 738 homoj.

Tiel ŝanĝiĝis kvanto da loĝantoj de Balaŝiĥa (vertikale — loĝantoj en miloj, horizontale — jaroj)

Loĝantaro de Balaŝiĥa laŭ jaroj:

Jaro Kvanto da loĝantoj
1926 8 000
1931 8 600
1939 29 000
1959 57 600
1967 74 000
1977 100 000
1986 130 000
1989 135 000
1992 137 600
1996 134 800
1998 134 400
2002 148 000
2006 182 800
2010 215 494
2013 235 336

Nun Balaŝiĥa apartenas al Moskva aglomeraĵo kaj estas granda urbo-satelito de Moskvo. Ĝia loĝantaro elkreskis pro amasa loĝejkonstruado.

Urba municipo Balaŝiĥa[redakti | redakti fonton]

Urba municipo Balaŝiĥa en Moskva provinco

Urba municipo Balaŝiĥa estas municipa unuo de Moskva provinco. Ĝi okupas areon 218.59 km2[6] kaj konsistas el 13 loĝlokoj; plej grava el ili estas urbo Balaŝiĥa, la aliaj estas vilaĝoj Djatlovka, Novij Milet, Pavlino, Pestovo, Poltevo, Purŝevo, Rusavkino-Popovŝĉino, Rusavkino-Romanovo, Soboliĥa, Fedurnovo, Fenino, Ĉornoje. La municipo aperis en 2005 el estinta distrikto Balaŝiĥa de Moskva provinco. En 2013 urba municipo Balaŝiĥa havas 245,2[1] loĝantojn (el ili 96% estas loĝantoj de la urbo Balaŝiĥa).

Politiko[redakti | redakti fonton]

Transporto[redakti | redakti fonton]

Kulturo kaj vidindaĵoj[redakti | redakti fonton]

Balaŝiĥa en kulturo kaj arto[redakti | redakti fonton]

Referencoj[redakti | redakti fonton]

  1. 1,0 1,1 1,2 Datumoj de la Federacia servo pri ŝtata statistiko (2013, ruse)
  2. Historio de nomo Balaŝ (ruse)
  3. Muelejo BLOŜĈIĤA sur la malnova mapo (ruse)
  4. 4,0 4,1 Pri Balaŝiĥa (ruse)
  5. Ju.Ivanov, "Памятные места Подмосковья" (2005, ruse)
  6. Leĝo de Moskva provinco pri urba municipo Balaŝiĥa (2009, ruse)

Eksteraj ligiloj[redakti | redakti fonton]