Bataloj de Isonzo

El Vikipedio, la libera enciklopedio
Saltu al: navigado, serĉo

La Bataloj de Isonzo (1915–17) okazis dum la unua mondmilito kaj estis 12 bataloj apud rivero Isonzo, en orienta fronto de Italio.

Iam batalejo, nun muzeo ĉe Isonzo

La riveron Isonzo apudas en tiu regiono klrutaj montoj, kie la aŭstra-hungara armeo elkonstruis defendajn liniojn antaŭ la militdeklaro de Italio (23-an de majo 1915). Generalo Luigi Cadorna ekis la unua italan atakon la 23-an de junio. La itala armeo provis trairi la riveron dum 14 tagoj, sensukcese.

La italoj atakis denove inter 18-a de julio ĝis 10-a de aŭgusto, de la 18-a de oktobro ĝis 4-a de novembro kaj de 10-a de novembro ĝis 14-a de decembro. Ili sukcesis trarompi nur ĉe ĉirkaŭo de Caporetto.

La auŝtra-hungara armeo povis defendi la militan pozicion kaj inter la 11-a16-a de marto 1916, Cadorna denove atakis, denove sensukcese.

La sesa atako (6–17-a de aŭgusto 1916) alportis la unuajn sukcesojn por la italoj, kiuj okupis urbon Görz (Gorizia). En la sekvaj tri atakoj (14–17-a de sept.,10–12-a de okt. kaj 1–4-a de nov) la italoj ne atingis trarompon ĉe la altebenaĵo de la Karst-montaro.

La deka batalo okazis de 12-a de majo ĝis 8-a de junio 1917 kaj en tio Cadorna atakis en du pozicioj de la fronto. La itala amreo okupis altaĵon Kuk kaj detruis la defendajn poziciojn en la suda frontoparto.

Inter la 18-a de aŭgusto kaj 12-a de septembro, la italoj malrapide repuŝis la aŭstrajn-hungarajn fortojn. La germanoj timis la kolapson de la fronto, tiel sendis fortigon. La germanaj-aŭstraj fortoj ekis ofensivon la 24-an de oktobro kaj posttagmeze la italoj jam fuĝis ofte forĵetante la armilojn. La centraj potencoj trairis la riveron kaj okupis Caporetto-n.

Multaj italaj fortoj retiriĝis al la rivero Piave, kie okazis la 7-a de novembro plej granda malvenko de la itala armeo, sed la frontolinio rigidiĝis.