Bienvenue chez les Ch'tis

El Vikipedio, la libera enciklopedio
Saltu al: navigado, serĉo
Bonvenon en Ŝti-lando
Bienvenue chez les CH'TIS.jpg
Originala titolo Bienvenue chez les Ch’tis
Produktadlando Francio
Filmita en Francio
Originala lingvo Franca, pikarda
Kina aperdato 20-a de februaro 2008
Daŭro 106 minutoj
Ĝenro Komedio
Kameraado Q3610
Reĝisoro(j) Dany Boon
Produktisto(j) Claude Berri, Jérôme Seydoux
Scenaro Dany Boon, Alexandre Charlot, Franck Magnier
Muziko Philippe Rombi
Ĉefrolantoj
Produkto Pathé, Hirsch, Les Productions du Chicon, TF1 Films Production
IMDb
v  d  r
Information icon.svg

Bienvenue chez les Ch’tis (“Bonvenon en Ŝti-lando”, "Ŝti" estas dialekta vorto por nordfrancoj) estas franca filmo aperinta en 2008. Ĝi estas la dua filmo de la franca humuristo Dany Boon, post La Maison du bonheur.

Intrigo[redakti | redakti fonton]

Philippe Abrams (Kad Merad), estro de poŝtoficejo en Salon-de-Provence en Bouches-du-Rhône (suda Francio), klopodas por akiri postenon ĉe mediteranea marbordo. Ĉar li malsukcese provis fripone kredigi, ke li estas invalido, li estas punita: oni enoficigas lin al Bergues en Nordfrancio, apud Dunkerque.

En la filmo, sudfrancoj opinias, ke nordo estas malkomforta kaj malvarmega regiono. Philippe Abrams malĝoje forlasas sian hejmon, havante multe da antaŭjuĝoj. Kontraŭatende li malkovras tre gasteman kaj interesan regionon. Li amikiĝas kun Antoine Bailleul (Dany Boon), poŝtisto en la oficejo, kiun li estras. Philippe Abrams provas kaŝi tiun ĝojan surprizon al sia edzino (Zoé Félix), restanta en sudo; li konsideras, ke momenta malproksimeco estas bona por ilia rilato. Li ŝajnigas sian novan vivon suferiga, por ke ŝi ne volu veni al Bergues.

Aktoroj[redakti | redakti fonton]

Dany Boon en Bergues dum farado de filmo, junie de 2007

Pri la filmo[redakti | redakti fonton]

La belfrido de Bergues, loko de la filmo

La vorto Ch’ti (elparolata "ŝti") estas dialekta nomo de iuj loĝantoj de norda Francio. Ĝi ankaŭ estas la nomo de ties lingvo, pikarda dialekto, kiu preferas la ŝuŝajn sonojn al la siblaj.

Dany Boon deziris realigi filmon pri sia devena regiono. Li konstatis, ke multaj francaj komedioj okazas en suda Francio (Brice de Nice, Taxi), dum nordo estas loko de dramaj filmoj (Germinal).[1]

Bienvenue chez les Ch’tis aperis la 20-an de februaro 2008 en Nordo-Kaleza Markolo kaj en kelkaj kinejoj de Somme. Ĝi aperis en tuta Francio unu semajnon poste. La filmo rapide fariĝis granda sukceso: je la 8-a de aprilo, pli ol 17 milionoj da spektantoj vidis ĝin, 6 semajnojn post la apero. Estas la unua franca filmo plej vidita en Francio, antaŭ La Grande Vadrouille.

Videoteko[redakti | redakti fonton]

Aperis DVD, blu-radia disko kaj VHS-kasedo la 29-an de oktobro 2008.

Notoj kaj referencoj[redakti | redakti fonton]

  1. Aldono de La Voix du Nord, 20-a de februaro 2008 - p.4

Eksteraj ligiloj[redakti | redakti fonton]