Bronkso

Bronkso (The Bronx) estas kvartalo de Novjorko. La loĝantaro de la Bronkso estis 1.332.650, laŭ la censo de 2000. La Bronkso estas la sola kvartalo de Novjorko, kiu ne estas sur insulo. Ĝi nomiĝas Bronkso laŭ la nederlandano Jonas Bronck (kiu naskiĝis en Svedio), kiu en la jaro 1639 aĉetis la areon de indianoj laŭ la principo de natura interŝanĝo. La Bronkso fariĝis parto de la urbo en 1898. Jankia Stadiono, la Novjorkia Zoologia Ĝardeno kaj la Novjorkia Botanika Ĝardeno troviĝas en la Bronkso.