Daleto

El Vikipedio, la libera enciklopedio
Saltu al: navigado, serĉo

Daleto estas la nomo de la kvara litero de pluraj semidaj alfabetoj, inkluzive la fenica Daleto, la aramea Daleto, la hebrea ד, la siria ܕ kaj la araba ﺩ. (laŭ la abjada ordo; laŭ la moderna araba ordo daleto estas la oka litero).

La litero devenas de alfabeta simbolo de la meza Bronzepoko, eble nomita dalt ("pordo", delet en la moderna hebrea) kaj siavice devenita de la egipta hieroglifo reprezentanta pordon. En la prakanaana alfabeto, tiu litero eble nomiĝis digg ("fiŝo", dag en la hebrea).

Tra la fenica daleto venis la greka delto (Δ), la latina D kaj la cirila Д.