Earl Scruggs

El Vikipedio, la libera enciklopedio
Saltu al: navigado, serĉo
Earl Scruggs banĝas (2005)

Earl Eugene SCRUGGS (n. la 6-an de januaro, 1924 – m. la 28-an de marto, 2012) (prononcu, tre proksimetume, Arl Skragz) estis usona muzikisto konata pro la perfektigo kaj popularigo de tri-fingra banĝoluda stilo (nomata la stilo de Scruggs), kiu nun estas unu el la difinaj trajto de blugresa muziko. Li ne kreis la stilon, sed ĝi famkonatiĝis pro lia prezentado.

Frua vivo[redakti | redakti fonton]

Scruggs naskiĝis en Shelby, Norda Karolino, Usono. La gepatroj nomiĝis Georgia Lula Ruppe kaj George Elam Scruggs.[1] Li pasigis la junaĝon en Kantono Cleveland (Norda Karolino).[2]

Kariero[redakti | redakti fonton]

Scruggs membriĝis en la grupo Blue Grass Boys de Bill Monroe malfrue en 1945, kaj rapide popularigis sian sinkopan tri-fingran stilon de fingrumado. En 1948 Scruggs kaj gitaristo Lester Flatt forlasis la grupon de Monroe kaj formis la duopon Foggy Mountain Boys, ankaŭ konatan simple kiel Flatt kaj Scruggs. En 1969, ili disiĝis, kaj li fondis novan grupon, la "Earl Scruggs Revue", en kiu ludis pluraj el liaj filoj.

En 1962 Flatt kaj Scruggs, kun kantisto Jerry Scoggins, registris la kanton The Ballad of Jed Clampett[3] por la televida komedio The Beverly Hillbillies; kaj la kanto kaj la programo furoriĝis. En 1969, Scruggs konatiĝis kiel unu el la malmultaj blugresaj aŭ kontreaj muzikistoj, kiuj aktive oponis la usonan militadon en Vjetnamio.[4]

Premioj kaj honoroj[redakti | redakti fonton]

Flatt kaj Scruggs gajnis la premion Grammy en 1969 pro la instrumentaĵo Foggy Mountain Breakdown[5] de Scruggs. Ili kune enkondukiĝis en la Halon de Kontrea Famo en 1985. En 1989, Scruggs ricevis la stipendion National Heritage Fellowship. Li estis inaŭgura honorito en la Internacia Blugresa Halo de Honoro en 1991. En 1992, oni aljuĝis al li la Nacian Medalon de Artoj. En 1994, kune kun Randy Scruggs kaj Doc Watson li kontribuis la kanton "Keep on the Sunny Side" al la albumo Red Hot + Country produktita de la Red Hot Organization kontraŭ aidoso.

En 2002 Scruggs gajnis duan premion Grammy pro reregistro en 2001 "Foggy Mountain Breakdown"[6], kun artistoj kiel Steve Martin (2-a banĝo; Martin banĝoludis la melodion en siaj komediaj aktoj en la 1970-aj jaroj), Vince Gill kaj Albert Lee solludante elektrajn gitarojn, Paul Shaffer piane, Leon Russell orgene, kaj Marty Stuart mandoline. La albumo, Earl Scruggs and Friends, prezentis ankaŭ inter aliaj John Fogerty, Elton John, Sting, Johnny Cash, Don Henley, Travis Tritt, kaj Billy Bob Thornton.[7]

La 13-an de februaro, 2003, Scruggs ricevis stelon ĉe la Trotuaro de Famo en Holivudo. Ankaŭ en 2003, li kaj Flatt rangis N-ro 24 inter la "40 Plej Grandaj Viroj de Kontreo" de CMT.

La 13-an de septembro, 2006, oni honoris al Scruggs ĉe la basbalejo Turner Field en Atlanta kiam antaŭ maĉo de la teamo Atlanta Braves oni kreis mondan rekordon pri la plej granda nombro (239) da banĝistoj samtempe ludantaj la saman muzikaĵon, nome "Foggy Mountain Breakdown" de Scruggs. La 10-an de februaro, 2008, Scruggs ricevis la Premion pri Vivodaŭra Atingado ĉe la 50-a aljuĝado de la premioj Grammy.

Persona vivo[redakti | redakti fonton]

Pluraj el la filoj de Scruggs fariĝis muzikistoj kaj ludis kun li. Lia edzino, Louise, mastrumis lian karieron. Ŝi mortis la 2-an de februaro, 2006, en Nashville.[8]

Morto[redakti | redakti fonton]

Scruggs mortis la 28-an de marto, 2012 pro naturaj kaŭzoj en hospitalo Nashville. Li estis 88-jara.[9]

Legacy[redakti | redakti fonton]

Bela Fleck nomis Earl Scruggs inter siaj influintoj[10] kaj asertis, ke Scruggs estas "certe la plej bona" trifingra banĝisto.[11]

Diskografio[redakti | redakti fonton]

Albumoj[redakti | redakti fonton]

Jaro Unuopaĵo Popularecaj niveloj
Usona Kontreo Usono Usona Varmo Usona Blugreso
1967 Strictly Instrumental (kun Lester Flatt kaj Doc Watson)
1967 5 String Banjo Instruction Album
1968 The Story of Bonnie and Clyde (kun Lester Flatt kaj la Foggy Mountain Boys)[12]
1969 Changin' Times
1970 Nashville Airplane
1972 I Saw the Light with Some Help from My Friends
Earl Scruggs: His Family and Friends
Live at Kansas State 20 204
1973 Rockin' 'Cross the Country 46
Dueling Banjos 202
The Earl Scruggs Revue 169
1975 Anniversary Special 104
1976 The Earl Scruggs Revue 2 161
Family Portrait 49
1977 Live from Austin City Limits 49
Strike Anywhere
1978 Bold & New 50
1979 Today & Forever
1982 Storyteller and the Banjo Man (with Tom T. Hall)
Flatt & Scruggs
1983 Top of the World
1984 Superjammin'
1998 Artist's Choice: The Best Tracks (1970-1980)
2001 Earl Scruggs and Friends 39 33 14
2002 Classic Bluegrass Live: 1959-1966
2003 Three Pickers (with Doc Watson and Ricky Skaggs) 24 179 2
2004 The Essential Earl Scruggs
2005 Live with Donnie Allen and Friends
2007 Lifetimes: Lewis, Scruggs, and Long

Unuopaĵoj[redakti | redakti fonton]

Jaro Unuopaĵo Populareca nivelo Albumo
Usona kontreo Kanada kontreo
1970 "Nashville Skyline Rag" 74 Earl Scruggs: His Family and Friends
1979 "I Sure Could Use the Feeling" 30 41 Single only
"Play Me No Sad Songs" 82 66 Today & Forever
1980 "Blue Moon of Kentucky" 46
1982 "There Ain't No Country Music on This Jukebox"
(kun Tom T. Hall)
77 Storyteller and the Banjo Man
"Song of the South" (with Tom T. Hall) 72

Gastaj unuopaĵoj[redakti | redakti fonton]

Jaro Unuopaĵo Artisto Popularecaj niveloj Albumo
US Country
1998 "Same Old Train" Various Artists 59 Tribute to Tradition

Muzikaj videoj[redakti | redakti fonton]

Jaro Titolo Reĝisoro
1992 "The Dirt Road" (kun Sawyer Brown) Michael Salomon
2001 "Foggy Mountain Breakdown" (Earl Scruggs and Friends) Gerry Wenner

DVD-oj[redakti | redakti fonton]

  • Earl Scruggs - His Family and Friends (2005)
    (Recorded 1969. Bob Dylan, The Byrds, Bill Monroe, Joan Baez et al.)
  • Private Sessions (2005)
  • The Bluegrass Legend (2006)

Earl Scruggs, Doc Watson and Ricky Skaggs

  • The Three Pickers (2003)

Flatt and Scruggs

  • The Best of Flatt and Scruggs TV Show Vol 1 (2007)
  • The Best of Flatt and Scruggs TV Show Vol 2 (2007)
  • The Best of Flatt and Scruggs TV Show Vol 3 (2007)
  • The Best of Flatt and Scruggs TV Show Vol 4 (2007)
  • The Best of Flatt and Scruggs TV Show Vol 5 (2008)
  • The Best of Flatt and Scruggs TV Show Vol 6 (2008)
  • The Best of Flatt and Scruggs TV Show Vol 7 (2009)
  • The Best of Flatt and Scruggs TV Show Vol 8 (2009)
  • The Best of Flatt and Scruggs TV Show Vol 9 (2010)
  • The Best of Flatt and Scruggs TV Show Vol 10 (2010)

Citaĵoj[redakti | redakti fonton]

  1. Ancestry of Earl Scruggs de William Addams Reitwiesner, eld. William Addams Reitwiesner Genealogical Services, alirdato 2009-07-14
  2. Earl Scruggs Biography eld. Earlscruggs.com, alirdato 2012-03-28
  3. The Ballad of Jed Clampett ĉe YouTube.com; alirdato 2012.03.29
  4. Earl Scruggs Performs At Anti War Demonstration, eld. Youtube.com 2009-07-13, alirdato 2011.08.26
  5. Foggy Mountain Breakdown - Earl Scruggs (1971), eld. YouTube.com 2009.06.10
  6. "Earl Scruggs & Steve Martin - Foggy Mountain Breakdown (Best...", YouTube.com 2006.05.17
  7. Earl Scruggs and Friends (MCA Nashville, 2001)
  8. Music Industry Pioneer Louise Scruggs Dies , CMT.com|, 2006-02-02; alirdato: 2009-07-14
  9. Earl Scruggs, Banjoist Who Invented ‘Scruggs Style,’ Dies at 88, David Wilson, eld. Bloomberg Businessweek, 2012.03.28
  10. Interview on Béla Fleck & the Flecktones 2000 DVD, “Live at the Quick”
  11. PBS Interview with Béla Fleck, eld. PBS.org, alirdato 2012.03.28
  12. (June 1, 1968) "Nashville Scene", gazeto : Billboard Magazine, volumo : 80, numero : 22. Alirita November 24, 2009.

References[redakti | redakti fonton]

Eksteraj ligiloj[redakti | redakti fonton]