Elvas

El Vikipedio, la libera enciklopedio
Saltu al: navigado, serĉo
Pelourinho, pilorio de Elvas

Elvas estas portugala urbo en la distrikto Portalegre en la regiono de Alentejo, tre proksime de la hispana landlimo, je ĉirkaŭ 5 km. Ĝi troviĝas je 210 km de Lisbono, kaj nur je 11 km (rekte) de la hispana urbo Badajoz. La historia gravo de la urbo devenas precize de sia landlima situo, do la defenda neceso kialis mezepokan kastelon norde de la urbo kaj poste tute ampleksegan linion de fortikaĵoj ĉirkaŭurbaj norde kaj sude sur plej altaj montetoj. Okcidente estas akvedukto de fine de la 15-a jarcento kaj de la 17-a jarcento. En la centro de la urbo estas gotika katedralo kaj tre arta pilorio.

En moderna epoko la urba ekonomio profitis komercon (ĉefe dekomence pri kafo kontrabande kaj poste jam laŭleĝe pri tolaĵoj, ĉefe bantukoj) kun la venantoj de najbara Hispanio, sed post la malfermo de ekonomiaj landlimoj la komercan gravon tute transpenis la najbara hispania urbo Badajoz pli ol dekoble pli granda. Nuntempe la interrilato kun tiu tute gravas por Elvas laŭ ĉiu vivaspekto: sano, lernado, loĝado, geedziĝoj, naskoj, komerco, distro, restoracioj, ktp. La aŭtoŝoseo Madrido-Lisbono estas senpaga el Madrido ĝis Elvas kaj paga el Elvas al Lisbono, tamen eblas veturi laŭ nacia ŝoseo rekte almenaŭ ĝis Montemor. Estas malkomforta fervojo al Lisbono.

Fama bongustega tipa dolĉaĵo estas Sericaia, kiun oni aĉetas kun la necesa telerego.