Gossau SG
|
- La mallongigo SG en Gossau SG staras por la svisa Kantono Sankt-Galo. Por aliaj signifoj de la nomo vidu sub Gossau.. |
| Gossau SG | |
|---|---|
 | |
| Blazono de Gossau | |
 | |
| La urbo Gossau vidita el la aero | |
| komunumo en Svislando • urbo en Svislando | |
| Kantono | Sankt-Galo |
| Distrikto | Elektodistrikto Sankt-Galo |
| Koordinatoj | 47° 25′ 0″ N 9° 15′ 0″ O / 47.41667 °N, 9.25000 °O (mapo)Koordinatoj: 47° 25′ 0″ N 9° 15′ 0″ O / 47.41667 °N, 9.25000 °O (mapo) |
| Areo | 27,51 km² |
| Alteco | 638 m super marnivelo |
| Poŝtkodo | 9200 |
| Komunumkodo | 3443 |
 | |
| Mapo pri la situo de Gossau en la Elektodistrikto Sankt-Galo | |
Pri la komunumo
Gossau SG (en Esperanto ankaŭ Gosaŭo SG) estas urbo kaj komunumo en la elektodistrikto Sankt-Galo, Kantono Sankt-Galo, Svislando. Ĝi havis 17073 loĝantojn je la 31-a de decembro 2007, kiu nombro kreskis al 17983 ĝis la 31-a de decembro 2011.
Geografio
Gossau situas inter la Alpstein-Masivo kaj Bodenlago rekte apud la kantona ĉefurbo Sankt-Galo. Krom la urbo Gossau mem al la komunumo apartenas la vilaĝo Arnegg.[1]
La teritorio de la komunumo etendiĝas sur areo de 27,51 km², de kiuj 14,8% estas kovritaj de arbaro, 61,4% servas por agrikulturo kaj 21,8% por setlado. [2]
Najbaraj komunumoj
La komunumo Gossau limas en nordo al Waldkirch, en nordoriento al Andwil, en oriento al Sankt-Galo, en sudo al Herisau (AR), en okcidento al Flawil, kaj en nordokcidento al Oberbüren.
Trafiko
Tra la urbo pasas la kantona ĉefvojo n-ro 7 de Sankt-Galo al Vinterturo. Gossau estas haltejo de la interurbaj rapidtrajnoj inter Zuriko kaj Sankt-Galo kaj havas ankaŭ konekton al la svisa aŭtovojo A1. Flanka fervojlinio kondukas de Gossau al Bischofszell kaj pluen al Sulgen.
Historio
Unua skriba mencio de la municipo Arnegg datiĝas el donacdokumento por bieno al la Monaĥejo Sankt-Galo el la jaro 721. Unua skriba mencio de la urbo Gossau mem datas ankaŭ el donacdokumento al la Sankt-Gala Monaĥejo de la 24-a de oktobro 824.[3]
Vidu ankaŭ
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Cornel Dora: Cerentino en Historia Leksikono de Svislando (2013-03-18)
Eksteraj Ligiloj
- Vidu ankaŭ en la Vikimedia Komunejo la kategorion Gossau SG – (Kolekto de bildoj kaj plurmediaj dosieroj)
| ||||||
