Grizvanga turdo
 |
||||||||||||||
|---|---|---|---|---|---|---|---|---|---|---|---|---|---|---|
 Grizvanga turdo
|
||||||||||||||
| Biologia klasado | ||||||||||||||
|
||||||||||||||
|
|
||||||||||||||
| Catharus minimus (Lafresnaye, 1848) |
||||||||||||||
| Konserva statuso | ||||||||||||||
La Grizvanga turdo aŭ Grizvanga turdeto, Catharus minimus, estas mezgranda Turdo. Tiu specio estas 15-17 cm longa, kaj havas la blanka-malhela-blankan subflugilan bildon karakteran de la turdoj de la genro Catharus. Ĝi estas membro de tre proksima grupo de migrantaj specioj kiu inkludas ankaŭ la kriptotaksonoj de la Salikoturdo kaj de la Biknela turdo (Winker & Pruett, 2006); ĝi formas paron de kamuflaj specioj kun la lasta. La Grizvanga turdo estas preskaŭ nedistingebla el la Biknela turdo escepte pro tio ke ĝi estas iomete pli granda kaj havas diferencan kanton. La du specioj estis iam konsiderataj samspecifaj.[1]
Plenkreskuloj estas olivbrunaj en supraj partoj. Subaj partoj estas blankaj kun griza koloro en flankoj; la brusto estas grizbruna kun pli malhelaj punktoj. Ili havas rozkolorajn krurojn kaj malfortan grizan okulringon. Ili havas grizajn vangojn, de kie devenas la nomo de la specio.
La reprodukta habitato estas la nordaj arbaroj de piceo en norda Kanado kaj Alasko. Ili faras tasforman neston en malalta loko ĉe konifero aŭ surgrunde ĉe bazo de arbusto.
Tiuj birdoj migras al norda Sudameriko. Tiu specio estas rara vaganto en Eŭropo. Ties norda reprodukta teritorio kaj longdistanca migrado faras ĝin unu el la plej regulaj paserinaj migrantoj de Nordameriko kiu trapasas la Atlantikon.
Ili manĝas surgrunde ĉefe insektojn kaj berojn.
La kanto de tiu birdo estas distancata serio de flutecaj tonoj kiuj plialtiĝas kaj finas krute. Kiel ĉe la Biknela turdo, ili estas sekretemaj dum la nestosezono.
[redakti] Referencoj
- BirdLife International (2004). Catharus minimus. 2006 Ruĝa listo de minacataj specioj de IUCN. IUCN 2006. Elŝutita je 12a Majo 2006. Malplej zorgiga
- Winker, Kevin & Pruett, Christin L. (2006): Seasonal migration, speciation, and morphological convergence in the avian genus Catharus (Turdidae). Auk 123(4): 1052-1068. [Artikolo en angla kun hispana resumo] DOI: 10.1642/0004-8038(2006)123[1052:SMSAMC]2.0.CO;2 PDF plena teksto
[redakti] Eksteraj ligoj
- Grizvanga turdo - Catharus minimus - USGS Patuxent Birdidentigejo
- Informaro pri la specio Grizvanga turdo – Laboratorio Cornell de Ornitologio
- Informaro pri Grizvanga turdo - Suddakotaj Birdoj kaj Birdumo
