Grodna regiono

El Vikipedio, la libera enciklopedio
Saltu al: navigado, serĉo
Grodna regiono
Гродзенская вобласць

Flago Blazono
Flag of Grodno region.png
BIA obwód grodzieński COA.png
Bazaj informoj
administra centro: Hrodno
areo: 25 000 km²
loĝantoj: 1 123 400(en 2004)
loĝdenso: 45 loĝantoj/km²
aŭtokoda cifero: 4
ISO 3166-2: BY-HR
oficiala retejo: region.grodno.by
Situo en Belarusio
BelarusHrodnaRegion.png

Grodna regiono - belaruse Гродзенская вобласць, latinliterigite hrodzienskaja voblasć, ruse Гродненская область, latinliterigite Grodnenskaya oblast, litove Gardino sritis - kovras la nordan parton de Belarusio. Temas pri unu el ses administraj regionoj de la lando, nomataj voblasći (komparu la artikolon oblasto), kiuj aldone al la sendependa areo de la ĉefurbo Minsko dividas Belarusion.

La regiona areo kovras 25 000 kvadratajn kilometrojn. Ĉefa urbo - administre, komerce kaj kulture - estas Hrodno (332 300 loĝantoj en 2004), pliaj gravaj urboj estas Lida (98 200 loĝantoj tiutempe) kaj Slonim (51 600 loĝantoj).

Geografio[redakti | redakti fonton]

La regiona areo limas al la Podlaĥia provinco de Pollando okcidente, la distriktoj Alytus kaj Vilnius de Litovio norde, la Minska regiono de Belarusio oriente kaj la Bresta regiono sude. Sume la regiona areo ampleksas pli-malpli 12 procentaĵojn de la tuta ŝtata areo.

Inter la 13-a jarcento kaj la jaro 1795 la regiono estis parto de la Grandduklando Litovio, kaj tiam konkeriĝis fare de la Rusia Imperio. Ankoraŭ nun laŭ litova etnografio la nordo de la regiono apartenas al la historia regiono Dzukio. La areo estis parto de la Dua Pola Respubliko inter la jaroj 1921 kaj 1939, kiam ĝi sekve de la Pakto Ribbentrop-Molotov estis alligita al la Belorusa Soveta Socialisma Respubliko de Sovetunio.