Gubernio Ar-Raka

El Vikipedio, la libera enciklopedio
Saltu al: navigado, serĉo
situo de la gubernio

Ar-Raka (arabe الرقة, latinliterigo laŭ DMG alr-Raqqa) estas gubernio en la nordo de Sirio. La plej granda urbo de la gubernio estas la ĉefurbo Ar-Raka. Aliaj gravaj urboj estas at-Taŭra kaj Tal Ubajid. La gubernia areo ampleksas 19 616 kvadratajn kilometrojn. Laŭ la stato de 2006, en la gubernio vivis 760 000 loĝantoj.

La gubernio limas norde al Turkio, okcidente al la gubernio Alepo, oriente al la gubernio al-Hasaka kaj sude al la gubernio Dair az-Zaŭr.

La ĉefa agrikultura branĉo estas kultivo de kotono laŭlonge de la rivero Eŭfrato. La plejparto de la loĝantoj estas araboj, kaj el ili signifa parto estas beduenoj. En la nordo de la provinco lime de Turkio plejparte vivas kurdoj.

Distriktoj[redakti | redakti fonton]

La distriktoj de la gubernioj estas:

  • Ar-Raka
  • Ath-Taŭra
  • Tal Ubajid