Imperiestraj Tilioj

ŝildo, alirejo norda

la tilioj ŝajnigantaj la historian tendegon

Napoleona ŝtono kun la jardato 1808

la historia tendego de 1808 kun la gastoj (fone) kaj la ĉasota bestaro (malfone)

Ne malproksime de la vajmara setlejo Ettersbergsiedlung sur la monto Großer Ettersberg en Germanujo staras ekde 1817 dudek ses arboj, la t.n. Imperiestraj Tilioj (germane: Kaiserlinden) por memorigi gajan ĉasadon okazintan en la 8-a de oktobro 1808.

Historio

La arboj staras ekzakte tie kie imperiestro Napoleono Bonaparte, caro Aleksandro, la reĝoj de Bavarujo, Saksujo kaj Virtembergo, princo Karl Theodor von Dalberg, Louis-Alexandre Berthier kaj la francaj marŝaloj Jean-de-Dieu Soult kaj Jean Lannes kolektiĝis je ĉasaj ĝuoj. Okazigis la tuton lia grandduka moŝto Karlo Aŭgusto (Saksio-Vajmaro-Eisenach) kiel amuzadon akompanantan la Erfurtan Kongreson.

Loko estis granda ŝirmo el tukoj al kiu oni kunpelis kaj alŝovis la mortpafitan bestaron. Samloke ankaŭ fariĝis la gastigadaj ceremonioj kaj la bankedo. Ekstera signo de la ĉasado estu la ŝtonmonumento Napoleonstein.

Longan tempon mankis vojindikiloj kaj la loko nur malfacile troveblis. Sur la senarbejo la vajmara kortego plantigis simbole 26 tiliojn reprezentontajn la 26 stangojn kaj fostojn de la tendego. La Napoleona monumento mem estas migra ŝtonego kiu portas enskribe nur la jardaton 1808.

Literaturo

• Hannelore Henze, Ilse-Sibylle Stapff: Streifzüge durch das alte Weimar. Weimar 2004, p. 104-105

Eksteraj ligiloj

51.02114811.29699

• "Napoleonstein auf dem Ettersberg
• kroniko i.a. de Kaiserlinden Arkivigite je 2023-02-24 per la retarkivo Wayback Machine
• En tiu ĉi artikolo estas uzita traduko de teksto el la artikolo Kaiserlinden (Weimar) en la germana Vikipedio.