Itinero de Esperanto kaj pluraj kulturoj

Itinero de Esperanto kaj (de) pluraj kulturoj (pole Szlak esperanto i wielu kultur) estas turisma itinero kaj ZEO en Bjalistoko, Pollando kreita en 2009 okaze de la 94-a UK. Ĝi konsistas el 15 punktoj, el kiuj 5 apartenas al la itinero de Esperanto, kaj 10 – al la itinero de pluraj kulturoj^[1].

Depende de elekto de vizitataj lokoj, promenado laŭ la itinero daŭras de 30 ĝis 120 minutoj^[2].

Punktoj de la itinero[redakti | redakti fonton]

La itinero konsistas el 15 lokoj rilataj al la historio de Esperanto kaj multkultureco de la naskiĝurbo de LLZ, rilate al kiu Esperanto estis kreita. Ĉe ĉiu loko staras informtabulo kun teksto en tri lingvoj (pola, angla kaj Esperanto) kun pollingva teksto en brajlo. Krom tio en du lokoj – apud la urbodomo kaj apud la palaco de Branicki troviĝas grandaj tabuloj kun mapo de la itinero, vortareto de Esperanto kaj ĝeneralaj informoj^[3].

N-ro	Temo	Loko
1	Esperanto	Monumento al L. L. Zamenhof Zamenhof-placo
2	Esperanto	Naskiĝloko de L. L. Zamenhof str. Zamenhofa 26
3	Pluraj kulturoj	Katedralo al Ĉielenpreno de la Plej Sankta Virgulino Maria str. Kościelna 4
4	Pluraj kulturoj	Porgasta palaceto str. Kilińskiego 6
5	Esperanto	Centro Ludoviko Zamenhof str. Warszawska 19
6	Esperanto	Iama Reala Gimnazio, en kiu lernis L. L. Zamenhof
7	Pluraj kulturoj	Palaceto de la familio Cytron – Historia Muzeo str. Warszawska 37
8	Pluraj kulturoj	Monumento al la Granda Sinagogo str. Suraska
9	Pluraj kulturoj	Sinagogo Piaskower str. Piękna 3
10	Pluraj kulturoj	Foirplaco Sienny (la Fojna)
11	Pluraj kulturoj	Juda lernejo Tarbut str. Lipowa 41D
12	Pluraj kulturoj	Baziliko Sankta Roĥo str. Abramowicza 1
13	Pluraj kulturoj	Palaceto de Nowik str. Lipowa 35
14	Esperanto	Familia domo de Jakobo Ŝapiro str. Lipowa 31/33
15	Pluraj kulturoj	Ortodoksa preĝejo Sankta Nikolao