Iván Mándy
Iván MÁNDY [mAndi], hungare Mándy Iván estis hungara verkisto kaj scenaristo.
Iván Mándy naskiĝis la 23-an de decembro 1918 en Budapeŝto. Li mortis la 6-an de oktobro 1995 en Budapeŝto.
Biografio
Li ne finlernis la gimnazion. Li komencis sian karieron en 1937, tiam aperis novelo en revuo. Post la dua mondmilito li laboris kiel sportraportisto, kaj li publikis siajn literaturajn verkojn en la revuo Újhold (Novluno). Inter 1949-1955 li devis silenti pro la tiama politiko, tiam li laboris en Hungara Radio kiel dramaturgo, kaj li plibonigis radioludojn de aliaj verkistoj. En tiuj jaroj li skribis siajn famajn fabulromanojn por infanoj kaj junuloj. Ekde 1954 li estis profesie verkisto. En 1971 li edziĝis. (Lia edzino estas Judit Simon, kuracistino.) En 1988 li ricevis premion Kossuth kaj poste ankaŭ aliajn premiojn.
Verkoj (elekto)
- 1943 A csőszház (La kampogardista dometo), etromano
- 1948 A huszonegyedik utca (La 21-a strato), membiografia romano
- 1949 Vendégek a palackban (Gastoj en la botelo), noveloj
- 1955 Egy festő ifjúsága. Barabás Miklós diákévei (Juneco de pentristo. Junaj jaroj de Miklós Barabás), biografia romano por junuloj
- 1957 Idegen szobák (Fremdaj ĉambroj), noveloj
- 1967 Régi idők mozija (kinejo de malnovaj tempoj), novelo-serio
- 1977 Álom a színházról (Sonĝo pri la teatro), romano
- 1980 A bútorok (La mebloj), etromano
- 1989 Önéletrajz (Membiografio), noveloj kaj radioludoj
- 9 scenarioj por filmoj
En Esperanto aperis
- en Hungara Antologio, 1983 lia novelo
Fontoj
- Hungara Vikipedio