Kasteloj Tri Gleichen

El Vikipedio, la libera enciklopedio
Saltu al: navigado, serĉo
Mühlburg
Burg Gleichen
Wachsenburg

La Tri Gleichen-kasteloj (germane: Drei Gleichen) estas kasteloj ĉe la landlimoj inter la distriktoj Gotha kaj Ilm.

Situo[redakti | redakti fonton]

Inter la urbetoj Arnstadt kaj Gotha el la relative ebena antaŭregiono stariĝis tri konusaj montetoj, sur kies pinto staras po unu kastelo. Ili nomiĝis la Tri Gleichen-Kasteloj. Pro la impona panoramo al la kasteloj kaj la belvidoj ravantaj de sur la kasteloj valoras la penon haltiĝi kaj viziti la kastelojn, el kiuj du mezepokaj estas nur ruinoj.

Historio kaj funkcio nuntempa[redakti | redakti fonton]

La tri burgoj havas diversajn funkciojn kaj aspektojn:

  • La plej malnova de ili estas la Mühlburg, kiu unuafoje menciiĝis kune kun la urbo Arnstadt en 704. Estas Arnstadt la plej malnova urbo en tuta Turingio.
  • Ruina estas ankaŭ la Gleichenburg el la 11-a jarcento. Jam en 1089 estis raportite pri sensukcesa sieĝo de la burgo fare de trupoj de Henriko la 4-a. Kiam la ĉefepiskopo de Mainz donacis al la grafoj de Tonna tiun ĉi burgon ili eknomiĝis Grafoj de Gleichen.La lasta fazo konstrua finiĝis en 1588 per la konstruo de renesanca palaco. Jam antaŭ tri jarcentoj la burgo estis forlasita kaj ekkadukiĝis. Tie vivis la konata grafo kaj poligamiisto Ernesto de Gleichen. Tamen troviĝas en la defendoturo, kies surgrimpado meritas ankaŭ pro belega panoramo, eta muzeo pri la burgohistorio kaj la aparta natura ĉirkaŭaĵo.
  • La tria kastelo el la 10-a jarcento situas sur la plej alta konusa monteto kaj nomiĝas Wachsenburg. Kontraŭe al la du aliaj ĝi ankoraŭ funkcias, grandparte kiel restoracio.

Geologio[redakti | redakti fonton]

Ĉe la piedo de la monto de la Gleichen-kastelo videblas eterne dolomita marno dispeciĝinta je gruzo, tiel ke nek herbaro nek floroj povas kreski. Tiuj kusenforme volbitaj marnaĵoj salutas la vizitantojn kiel buntkoloraj bendegoj ruĝe grize verde.

Literaturo[redakti | redakti fonton]

  • Museumsverband Thüringen (eld.): Museen in Thüringen, Edition Leipzig 2001, ISBN 978-3-361-00612-0, p. 166

Eksteraj ligiloj[redakti | redakti fonton]