Kirova provinco
Kirova provinco Кировская область | |||||
---|---|---|---|---|---|
| |||||
Ĉefurbo | Kirov 58°36′N 49°39′E | ||||
La plej granda urbo | Kirov (457 578 (2002)) | ||||
Guberniestro | Nikita Beliĥ ekde la 15-a de januaro 2009 | ||||
Areo | 120 800 km² | ||||
Loĝantaro (2002) – entute – denseco |
1 503 529 12,45 / km² | ||||
Tempozono – somere |
+3 UTC+4 | ||||
Fondita | 1934 | ||||
Retejo | www.gov-vyatka.ru |
Kirova provinco, ruse (Ки́ровская о́бласть [Kirovskaja oblast]) estas provinco en norda parto de Eŭropa Rusio. Ĝi limiĝas en nordo al Arĥangelska provinco kaj Respubliko Komiio, en oriento al Permja regiono kaj Udmurtio, sude al respublikoj Tatario kaj Mariio kaj okcidente al Niĵnij-Novgoroda provinco, Kostroma provinco kaj Vologda provinco.
Geografio
Kirova provinco situas en orienta parto de Orient-eŭropa ebenaĵo. La orienta parto de la provinco apartenas al Kama altebenaĵo La plej granda rivero estas Vjatka kiu fluas al Volgo. En nordorienta parto estas rivero Kama.
Loĝantaro
La loĝantaro de Kirova provinco estas ĉ. 1,5 milionoj. La plej granda urbo estas Kirov. La plej granda parto el loĝantoj estas rusoj kaj minoritatoj estas tataroj, udmurtoj kaj marioj.
Historio
Kirova provinco estas malnova loĝregiono de udmurtoj kaj aliaj finn-ugraj popoloj. Novgorodaj komercistoj fondis en 1374 la urbon Hlinov (nuna Kirov). Ĉirkaŭ la urbo formiĝis Vjatka respubliko, kiu estis kunligita al Rusio en 1489.