Volgo
| Volgo | |
| ruse: Волга | |
| rivero | |
 Volgo proksime de Saratov
|
|
| Lando |  Rusio |
|---|---|
| Regiono | Volgio |
| Urboj |
10
|
| Fontrivero | Valdaja Altaĵo |
| - situo | Volgoverĥovje, Tverja provinco |
| Enfluejo | Kaspio |
| - situo | Astraĥan |
| Longo | 3 530 km |
| Akvokolektejo | 1 361 000 km² (136 100 000 ha) |
| Trafluo | Volgogrado |
| - mezproksima | 8 000 m³/s |
 La akvokolekta areo de la rivero Volgo
|
|
 Vikimedia Komunejo: Volga |
|
Volgo (antikva nomo: Ra, en la mezepoko Itil, ruse Волга) estas rivero en Rusio, la plej granda en Eŭropo. Ĝi longas 3530 km-ojn. Ĝi elfontas en la Valdaja Altaĵo kaj enfluas en la nordokcidentan bordon de la Kaspia Maro.
La rivero Volgo posedas ĉirkaŭ ducent alfluantojn; la ĉefaj estas Kama (maldekstra) kaj Oka (dekstra). Volgon kunigas al la rivero Don la Volgo-Dona kanalo, finkonstruita en 1952.
La regionon laŭ kiu fluas Volgo oni nomas Volgia regiono, aŭ Volgio.
La ĉefaj urboj kiuj troviĝas laŭ la rivero estas Tver, Jaroslavl, Niĵnij Novgorod, Ĉeboksari, Kazan, Uljanovsk, Samara, Saratov, Volgogrado kaj Astraĥano.
En aprilo 2008, la Volgia interregiona prokurejo konstatis, ke en Volgo estas 2107 forlasitaj ŝipoj; ĉirkaŭ 1500 el ili ne havas posedanton kaj detruiĝas, poluante la riveron kaj malhelpante navigadon. La trovitajn ŝipojn oni planas eligi kaj reutiligi la metalon.
Akvokolekta areo [redakti]
La akvokolekta areo de Volgo ampleksas 1 360 000 km2, kio egalas proksimume al kvarono de la tuta areo de la eŭropa parto de Rusio. Temas pri ampleksa ebenaĵo kie mankas altaj montoj, sed abundas montetoj. La lasta parto de la volga itinero trairas la submarnivelajn ebenaĵojn ĉirkaŭantajn la Kaspian Maron.
Naturprotekto [redakti]
Biogeografie la Volgo-delto estas unu el la 53 dolĉakvo-unuoj de la Tutmondaj 200. Ĝi troviĝas en la Eŭropa-siberia ekoprovinco de la Palearkta ekozono. Tiuj unuoj estas nombro da ekoregionoj elektitaj far la Monda Natur-Fonduso ( WWF ) kaj la Nacia Geografia Societo pro sia graveco pri la naturprotekto.
Eksteraj ligiloj [redakti]
 |
Rilataj artikoloj troviĝas en Portalo pri Eŭropo |
 |
Rilataj artikoloj troviĝas en Portalo pri Biologio |
