Akvobaraĵo

El Vikipedio

Nuna versio (nereviziita)

Saltu al: navigado, serĉo

Akvobaraĵo Eder en Germanio, konstruita ĉirkaŭ 1910.

Akvobaraĵo dum konstruado de kluzoj en Montgomery.

Elfluo de akvobaraĵo Llyn Brianne, Kimrio frue post la unua plenigo

Akvobaraĵo estas baraĵo en la valo de rivero, kiu retenas la fluantan akvon ĝis certa alto, kreante artefaritan lagon.

Akvobaraĵo povas havi diversajn celojn:

Kreado de nivel-diferenco por gajni elektran energion
Altigo de la akva nivelo por tute aŭ parte forkonduki la akvon en alian direkton
- por uzo kiel trinkakvo
- por akvumi (irigacii) agrojn
- por provizi alilokan ŝipvojon
- por provizi alilokan elektrocentralon
Protektado de malaltaj regionoj kontraŭ inundo
Profundigo de la rivero por ebligi ŝipan trafikon
Kreado de rezervujo por kompensi sezonan mankon de akvo

Akvobaraĵo povas havi diversajn formojn:

terŝutaĵo, kiun tenas la propra pezo
pezmuro, same tenata de la propra pezo, sed kun krutaj flankoj
arka muro, kiu apogiĝas al la flankaj de la rivera valo kaj per arka formo (kun la konveksa flanko kontraŭ la fluo) disigas la premforton al la flankoj
piliera muro, en kiuj la premforto estas prenata de pilieroj, tiel ke la interaj elementoj povas esti kompare malfortaj kaj malmultekostaj.