Klasĉambro

Klasĉambro aŭ instruĉambro estas ĉambro por instrui en lernejo.

Historio[redakti | redakti fonton]

En antikvo kaj um mezepoko, ĝenerale la klasoj estis instruitaj en bazaroj, preĝejoj, katedraloj, aŭ aliaj lokoj, sen specialaj ecoj, eĉ ekstere, ekzemple sub arbo. Ĝis la 19-a jarcento, tre ofte, klasoj okazis en la hejmo mem de la instruisto aŭ de la lernanto.

La moderna koncepto pri racia edukado, kiu aperis post la Franca Revolucio de 1789, igis homojn pensi lernadon kiel afero, kiu devas okazi en speciala etoso.

Enhavo[redakti | redakti fonton]

Kutime klasĉambro entenas nigran tabulon sur kiu oni skribas per kreto. Povas anstataŭi la nigran tabulon blanka tabulo aŭ papertabulo, sur kiuj oni skribas per specialaj skribiloj.

La klasĉambro enhavas skribotablojn kaj benkojn aŭ seĝojn por la lernantoj kaj la instruisto.

Aldona materialo en klasĉambro povas esti televidilo aŭ projekciilo kaj ekrano por spekti filmojn aŭ fotojn. Ankaŭ komputiloj kun interretalliro perkabla aŭ senkabla ekzistas foje.