Kufstein

El Vikipedio, la libera enciklopedio
Saltu al: navigado, serĉo
Blazono Mapo
Blazono Situo en Aŭstrio
Bazaj informoj
Provinco: Tirolo
Distrikto: Kufstein
Areo: 39,37 km²
Alto: 499 m super marnivelo
Loĝantaro: 17.497
(2006-12-22)
Loĝdenso: 438/km²
Poŝtkodoj: 6330-6333
Telefonkodo: +43-5372
Koordinatoj: 47°35′N 12°10′O  /  47.583°N, 12.167°O / 47.583; 12.167 (Kufstein)Koordinatoj: 47°35′N 12°10′O  /  47.583°N, 12.167°O / 47.583; 12.167 (Kufstein)
Aŭtokodo: KU
Oficiala kodo: 70513
Strukturo: 3 katastraj municipoj
Adreso: Stadtgemeinde Kufstein
Unterer Stadtplatz 22
6330 Kufstein
Retejo: kufstein.at
Retpoŝto: stadtamt@stadt.kufstein.at

Kufstein [kUfŝtajn] estas urbo en Tirolo (Aŭstrio). Ĝi situas en la valo de rivero Inn, ĉe la limo al Germanio.

Geografio[redakti | redakti fonton]

Situo[redakti | redakti fonton]

La urbo situas ambaŭflanke de rivero Inn, ĉirkaŭata okcidente de montoj Pendling kaj Maistaller Berg, norde de monto Thierberg, oriente de monto Stadtberg kaj montaro Kaisergebirge kaj sude de arbaro Kufsteiner Wald. Norde de la urbo la rivero eliras el la Alpoj kaj iĝas landlimo inter Aŭstrio (dekstre, oriente) kaj Germanio (maldekstre). La municipo ampleksas la valon Kaisertal, kiu estas la sola aŭstria valo sen aŭte uzebla vojo (oni nun decidis konstrui tunelon por igi ĝin aŭte atingebla).

Se vi volas veturi trajne de Munkeno al Innsbruck, estas plej rapide kvankam iom malrekte iri tra Kufstein en la valo. Tamen estas interese iri tra la montoj (apud Garmisch-Parternkirchen).

Strukturo[redakti | redakti fonton]

Centro
  • Kienbichl
  • Fischergries
  • Bahnhof (stacidomo)
  • Altstadt (malnova urbo) Kufstein
Sparchen
  • Friedensiedlung
  • Südtiroler Siedlung
  • Untere Sparchen
  • Obere Sparchen
  • Waldeck
Weissach
  • Mitterndorf
Endach
  • Oberendach
  • Weidach
Zell
  • Kleinholz
  • Morsbach

La historia centro kun la fortikaĵo kaj la urba placo situas sur la dekstra riverbordo. Maldekstre situas la stacidomo, kie haltas ne nur trajnoj de la grava fervojo Munkeno-Verono inter Germanio kaj Italio, sed ankaŭ la koridoraj trajnoj, kiuj ligas okcidentan kaj orientan Aŭstrion tra germana teritorio, sed sen halto tie.

Famuloj[redakti | redakti fonton]

Blazono[redakti | redakti fonton]

La blazono montras sur ruĝa fono tri verdajn montojn, kiuj simbolas la montetojn Festungsberg (fortikaĵa monto), Zeller Berg kaj Kienberg en la urba teritorio, ne la alpajn montojn ĉirkaŭajn. Sur la montoj aperas arĝenta sal-barelo kun oraj garnaĵoj; ĝi simbolas la signifon de la mezepoka komerco per salo.