Mavro Ŝpicer

El Vikipedio, la libera enciklopedio
Saltu al: navigado, serĉo

Mavro ŜPICER (naskiĝis en 1862, mortis en 1936) estis kroata esperantisto, majoro en pensio en Zagreb.

Li estis pioniro de Esperanto, kaj fondis en 1908 la organizon Unuiĝo de Kroataj Esperantistoj en Zagreb, eldonis samjare lernolibron kaj broŝuron. En 1909 li verkis gramatikon kaj redaktis la gazeton La Kroata Esperantisto. En 1912 li eldonis la antologieton Kroataj Poeziaĵoj. En 1932 aperis lia traduko de la nacia hero-eposo La Morto de Smail-Aga Ĉengijiĉ, de Ivan Mažuranić.

Li ankaŭ verkis originalajn poemojn, recenzojn kaj proprajn artikolojn.