Nikolaj Rezanov

El Vikipedio, la libera enciklopedio
Saltu al: navigado, serĉo
Portreto de Nikolaj Rezanov, artisto nekonata.

Nikolaj REZANOV (ruse: Николай Петрович Резанов, Nikolaj Petrovič Rezanov; naskiĝis la 28-an de marto 1764 en Sankt-Peterburgo, Rusia Imperio; mortis la 1-an de marto 1807 en Krasnojarsk) estis rusa politikisto kaj unu el la fondintoj de la rusa Amerikkompanio.

Vivo[redakti | redakti fonton]

Nikolaj Rezanov devenis el nobela familio el la regiono de Smolensk, iĝis leŭtenanto kaj poste sekretariestro en la civila departemento kaj estro de la ĉefa ofico de la rusa Amerikkompanio.

En 1804 li iĝis la unua rusa ambasadoro en Japanio.

En 1803 li instigis la unuan rusan provon ĉirkaŭveli la mondon kaj partoprenis ĝin, gvidinte ĝin ĝis Kamĉatko.

En la jaro 1806 li veturis al Kalifornio, kie li starigis ligojn inter la rusa Amerikkompanio kaj la hispanaj koloniistoj. Revenonte al Sankt-Peterburgo li malvarmumiĝis kaj mortis en la urbo Krasnojarsk en Siberio.