No Highway in the Sky
| No Highway in the Sky | |
|---|---|
| |
| filmo | |
| Originala titolo | No Highway in the Sky |
| Originala lingvo | angla lingvo |
| Kina aperdato | 1951 |
| Ĝenro | katastrofa filmo, filma dramo |
| Kameraado | Georges Périnal |
| Reĝisoro(j) | Henry Koster |
| Produktisto(j) | Louis D. Lighton |
| Scenaro | Oscar Millard • Alec Coppel • R. C. Sherriff • Nevil Shute |
| Loko de rakonto | Novlando kaj Labradoro |
| Muziko de | Malcolm Arnold |
| Rolantoj | James Stewart • Marlene Dietrich • Glynis Johns • Jack Hawkins • Bessie Love • Janette Scott • Ronald Squire • Niall MacGinnis • Kenneth More • Felix Aylmer • Maurice Denham • Wilfrid Hyde-White • Karel Štěpánek • Elizabeth Allan • Michael McCarthy |
| IMDb | |
No Highway in the Sky (ankaŭ konata kiel No Highway) estas brita nigrablanka aviada drama filmo el 1951 de 20th Century Fox, produktita de Louis D. Lighton, reĝisorita de Henry Koster, en kiu ĉefrolas James Stewart, Marlene Dietrich, Glynis Johns, Niall MacGinnis, Janette Scott kaj Jack Hawkins. La scenaro estis verkita de Oscar Millard, kun aldona materialo havigita de Alec Coppel.
La filmo estas bazita sur la romano No Highway (1948) de Nevil Shute kaj estis unu el la unuaj filmoj kiuj prezentis eblan aviadilan katastrofon implikantan metalan laciĝon. Kvankam la filmo sekvas la intrigon de la romano de Shute ĝenerale, No Highway in the Sky precipe preterlasas referencojn al supernaturo enhavita en la originala romano, inkluzive de la uzo de aŭtomata skribo por solvi ŝlosilan elementon en la rakonto de la originala romano. Ankaŭ, la rolo de Scott, la lastatempe dungita administranto kiu rakontas la romanon, estas limigita en la filma versio; kio signifas ke la elstara sciencisto, s-ro Honey, ŝajnas pli ekscentra ol en la romano, ŝanĝante la rilaton inter ili.
La filmo ankaŭ enkondukas la anglan esprimon "boffin" por la sub-aprezita kaj ŝajne memcentra kaj ekscentra sciencisto, male al pli frua uzokutimo por priskribi scienciston kiu faras esencajn (kaj aprezitajn) kontribuojn.
Temo[redakti | redakti fonton]
Theodore Honey (James Stewart) estas aviadila inĝeniero kiu estas sur sia vojo al la Labradora Duoninsulo por esplori aviadilakcidenton. Lia teorio estas ke la kaŭzo estis difekto en la konstruo de la aviadilo. Sed post kiam la aviadilo per kiu li vojaĝas ekflugis, li rimarkas, ke ĝi estas de la sama tipo kiel tiu, kiu kraŝis. Li elektas, kvankam li ne estas certa, riveli kion li scias al la pasaĝeroj kaj skipo, inkluzive de kunpasaĝero Monica Teasdale (Marlene Dietrich).
