Ortonikedoj

Ortonikedoj
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Orthonychidae Genro: Orthonyx Temminck, 1820
Species
Orthonyx novaeguineae Orthonyx temminckii Orthonyx spaldingii

La Ortonikedoj (Orthonychidae) estas familio el la ordo de la Paseroformaj birdoj. Ĝi konsistas el unu sola genro kun tri specioj.

Problemoj de la klasifikado

Kelkaj aŭtoroj konsideras la aŭstralian birdofamilion de Cinklosomatedoj (Cinclosomatidae) apartenanta al la ortonikedoj.

Kelkaj konsideras Orthonyx novaeguineae kiel subspecion de Orthonyx temminckii.

Vivejo kaj vivmaniero

Ortonikoj estas endemiaj en Aŭstralio kaj Nov-Gvineo.

Ili estas duongrundaj birdoj kun malforta flugkapablo kaj konstruas neston kun kupolo sur aŭ proksime al la grundo. Insektoj kaj larvoj estas ilia manĝaĵo. Ili uzas siajn rigidajn vostoplumojn por apogi sin dum manĝado. La maskloj amdancas simile al la Menuredoj (Menuridae).

Genro kaj specioj

• ortoniko (Orthonyx)
  • Nov-gvinea ortoniko (Orthonyx novaeguineae)
  • Teminka ortoniko (Orthonyx temminckii)
  • Spaldinga ortoniko (Orthonyx spaldingii), ankaŭ: nigrakapa ortoniko