Ottó Bláthy
Ottó Bláthy [otO blAti], hungare Bláthy Ottó Titusz estis inventisto.
Li naskiĝis en Tata (Hungario), en la 11-an de aŭgusto 1860, li mortis en Budapeŝto, en la 26-an de septembro 1939.
Vivo
Li frekventis lernejojn en Tata kaj en Vieno. Ekde 1881 li laboris, kiel inĝeniero pri mekaniko en la Hungara Ŝtata Fervojo. Tie li interesiĝis ankaŭ pri elektro kaj magneto. Li konatiĝis kun Miksa Déri kaj Károly Zipernowsky. Ili havis komunan laboron en Italio por konstrui akvoenergian centralon, kie ili evoluis novan transformatoron, kiel inventon. Baldaŭe li okupiĝis pri elektraj lokomotivoj. Li estis ankaŭ ŝakisto kaj amiko de hundoj, li estis framasono laŭ Magyar Katolikus Lexikon (Hungara Katolika Leksikono). Li ricevis diversajn premiojn pro la laborado.
En Hungario faklernejoj kaj satelito 126315 Bláthy havas la nomon Bláthy.
