Paul Biya

El Vikipedio, la libera enciklopedio
Saltu al: navigado, serĉo
Paul Biya
Paul Biya

Biya en la Metropolita Muzeo de Arto en Novjorko (septembro 2009)


En funkcio:
6-a de novembro 1982 – 6-a de novembro 1982
Ĉefguberniestro Maigari Bello Bouba
Luc Ayang
Sadou Hayatou
Simon Achidi Achu
Peter Mafany Musonge
Ephraïm Inoni
Philémon Yang
Antaŭulo Ahmadou Ahidjo
Sekvanto Oficianta

En funkcio:
30-a de junio 1975 – 6-a de novembro 1982
Prezidento Ahmadou Ahidjo
Sekvanto Bello Bouba Maigari

Naskiĝo 13-a de februaro 1933
en Mvomeka'a
Politika partio RDPC
Edzo/ino Jeanne-Irène Biya (mortinta)
Religio Romkatolikismo
v  d  r
Information icon.svg

Paul BIYA (n. la 13-an de februaro 1933 en Mvomeka'a sub la nomo Paul Biya’a Bi Mvondo) estas la dua, nun oficianta prezidanto de Kameruno ekde la 6-a de novembro 1982.

Li eklaboris por la prezidanto Ahmadou Ahidjo en 1962. Li fariĝis ministro-ŝtatsekretario pri la Prezidenteco en 1968, kaj sekve iĝis ĉefministro de Kameruno en 1975. Biya fariĝis prezidanto la 6-an de novembro 1982, kiam Ahidjo decidis rezigni sian postenon pro malsano. Biya spertis puĉon en 1984 (organizitan de Ahidjo laŭ certaj fontoj), okaze de kio batalis la lojala kameruna armeo kontraŭ la ribela prezidanta gardistaro. Li organizis en 1992 la unuan plurpartian baloton en la historio de la lando, kaj venkis sian politikan kontraŭulon John Fru Ndi danke al malforta plimulto. Li sekve estis denove reelektita okaze de la prezidantaj balotoj de 1997 kaj 2004.

En 2004 Biya gajnis novan baloton por sepjara mandato, danke al malkonkorda opozicio. Plie estiĝis duboj pri la honesteco de tiu baloto.

La gardistaro de Biya rimarkiĝis la 23-an de februaro 2011, kiam ĝi enkarcerigis Louis-Tobie Mbida, kiu estis la plej verŝajna kontraŭulo de Biya en la venonta prezidanta baloto de oktobro 2011.