Ruy López de Villalobos

El Vikipedio, la libera enciklopedio
Saltu al: navigado, serĉo

Ruy López de Villalobos (naskiĝis ĉ. la jaro 1500 en Malago, mortis la 4-an de aprilo 1544, 43- aŭ 44-jara, en Ambon, Molukoj, nuna Indonezio) estis hispana esploristo kiu navigis tra la Pacifiko de Meksiko okcidenten por establi konstantan bazon por Hispanio en Sudorienta Azio, kiu estis proksime de la limlinio inter Hispanio kaj Portugalio laŭ la Traktato de Zaragoza el 1529. Villalobos donis al la Filipinoj sian nomon, nomante ilin Las Islas Filipinas - "la insuloj filipaj" - en honoro de la Infanto de Asturio tiumomenta, Filipo la 2-a de Hispanio.

En 1542 li malkovris ankaŭ pacifikan insularon, plej probable Havajo, sed la hispanoj tenis la malkovron sekreto.