Sofio la ĝirafo

El Vikipedio, la libera enciklopedio
Saltu al: navigado, serĉo
Bebo ludanta per Sofio

Sofio la ĝirafo (france: Sophie la girafe ®) estas Ludilo por suĉinfanoj kreita en 1959 de Societo Delacoste[1],[2] en Asnières-sur-Oise. Fariĝinte kulta objekto en Francio, tiu ludilo estas nun fabrikata de la entrepreno Vulli en Haute-Savoie, situanta en Rumilly, kiu reaĉetis la entreprenon Delacoste en 1981, antaŭ ol transloki ties produktadon al sia sidejo komence de la 1990-aj jaroj.[3]

Historio[redakti | redakti fonton]

La origino de la kreado de "Sofio la ĝirafo" havas plurajn versiojn. Tiu ludilo estus kreita de iu s-ro Rampeau[4],[5], fakulo pri transformado de natura kaŭĉuko per rotacia muldado, laboranta en la entrepreno Delacoste en Asnières-sur-Oise, kvankam aliaj fontoj indikas kun pli granda certeco, ke la responsuloj de la societo Delacoste uzis kaj adaptis usonan teĥnikon de muldado de latekso nomitan « procedo Rampel »[3]. La unuaj ekzempleroj datiĝas de 1959 kaj tiam estis simple nomitaj « la eta Ĝirafo » (france: « la petite Girafe »). Komerca eltrovo kondukis al ties oficiala « bapto » la 25-an de majo 1961, daton de Sankta Sofio kies nomon ĝi havas de tiam[3],[6],[4].

En 1981, la firmao Vulli aĉetis la entreprenon Delacoste kaj daŭrigis la produktadon en pariza regiono antaŭ ol transloki ĝin al Rumilly en 1991[3] kaj definitive fermi la sidejon en 1993, ne sen kaŭzi problemojn de industria poluado[7],[8].

En 2001, la sojlo de dek milionoj da venditaj ekzempleroj estis superita.[3] En 2010, la kvindek miliona eta ĝirafo estis fabrikita, ĉiam per kompleksa procedo[3] pli proksima al metiarto ol industrio, tial ke necesas ne malpli ol 14 permanaj operacioj por ĝin fabriki[4]. En 2009, tiu ludilo ĉiam havas grandan sukceson kaj grandan kreskon per 800,000 venditaj ekzempleroj de "Sofio la ĝirafo", plejparte en Francio, sed havebla en 40 landoj[5]. En 2009, "Sofio la ĝirafo" estis elektita produkto de l'jaro en Usono fare de « Astra », la plej granda usona asocio de po-detalaj vendisto, specialistoj pri ludiloj[5]. Tiu premio rekompencas la plej amuzan, unikan kaj sekuran ludilon por infanoj en la mondo.

Priskribo[redakti | redakti fonton]

Temas pri Ĝirafo el natura kaŭĉuko devenanta de Hevea, mola, 18 cm-ojn alta, ŝablone makulita per nigraj kaj brunaj makuloj, malplena, kun fajfilo eliganta karakterizan knaron. Ĝi estas destinita al kelk-monata suĉinfano, ĉefe pro pluraj aspektoj de ties vekiĝo kaj dent-mordetado[4]. Modelo preskaŭ ne evoluis en sia aspekto depost ties kreado[5].

Tiu ludilo aparte vekas ĉiujn sensojn de bebo: vido per ties kontrastaj koloroj, tuŝo per ties reliefaj partoj - prenado estas facila danke al ties grandeco kaj formo -, aŭdo danke al ties fajfilo, kaj ankaŭ odoro kaj gusto, danke al 100% natura kaŭĉuko. La uzata farbo estas el nutraĵa kvalito, sekve la ludilo povas esti sendanĝere mordetita.

Anekdoto[redakti | redakti fonton]

"Sofio la ĝirafo" aperas en la lasta sceno de la filmo Elle s'appelait Sarah, kie ĝi estas nomata Lucy.

Eksteraj ligiloj[redakti | redakti fonton]

Piednotoj[redakti | redakti fonton]