Svisa Alpismo-Klubo

El Vikipedio, la libera enciklopedio
Saltu al: navigado, serĉo
Damma-Kabano unu el multnombraj montarkabanoj de SAC

Svisa Alpismo-Klubo (mallongigoj: SAC kaj CAS); germane Schweizer Alpen-Club, france Club Alpin Suisse kaj itale Club Alpino Svizzero estis fondita en la jaro 1863 en la stacidoma restoracio Olten. Ĝi estas la asocio de la svisaj montogrimpantoj.

Aktivecoj[redakti | redakti fonton]

Svisa Alpismo-Klubo estas samtempe sportasocio kaj ankaŭ asocio por la plej diversaj aktivecoj en rilato kun alpismo:

  • alpisma edukado en ĉiuj kampoj de la montara sporto;
  • konstruo, vartado kaj flegado de la Alpismo-Klubo-Kabanoj;
  • alpismaj montgrimpadoj (unupaj turoj kaj grupaj eventoj);
  • sportgrimpadoj (unuopaj turoj, gurpaj eventoj kaj konkursoj);
  • skituroj (unuopaj turoj, grupaj eventoj kaj konkursoj);
  • migradoj;
  • edukado por la eventgvidado kaj montarsporto (precipe en la junularaj organizaĵoj);
  • alpisma savado (Alpisma Savado Svislando):
  • protektado de la montara medio (mediprotektado, floro kaj faŭno);
  • eldonado de publikaĵoj.

Montaraj kabanoj[redakti | redakti fonton]

Precipe ŝatataj inter montaraj migrantoj estas la montaraj kabanoj de Svisa Alpisma Klubo. La migrantoj povas trovi protekton en la kabanoj en kazo de fivetero aŭ dum plurtagaj montarmigradoj kaj eblas ankaŭ pasigi semajnfinon en tiaj kabanoj. La kabanoj estas tre simple ekipitaj, sed situas kutime en belagaj lokoj ofertante mirindan panoramon.

Membroj[redakti | redakti fonton]

Svisa Alpisma-Klubo havas proksimume 111 000 membrojn, kiuj estas orgnizitaj en 111 sekcioj, kiuj estas memstaraj asocioj. La sekcioj konstruas kaj funkciigas la kabanojn, organizas turojn kaj kursojn por siaj membroj kaj sendas delegitojn al la delegita asembleo, kiu elektas la centan komitaton kaj kontrolas la centran oficejon.

La junaj membroj de Svisa Alpisma Klubo inter 10 kaj 20 jaroj estas atentataj de la Junularaj Organizaĵoj de Svisa Alpisma Klubo (mallonge JO). Ili organizas ferisemajnojn, tendarojn kaj semajnfinajn turojn en Svislando kaj ankaŭ en proksima eksterlando.

Mebreco aŭ kunlaboro kun aliaj asocioj[redakti | redakti fonton]

Svisa Alpismo-Klubo fondis kune kun la Svisa Sav-Flug-Gvardio la fondaĵon Alpisma Savado Svislando. Alpisma Savado Svislando respondecas por la savo de personoj en la svisaj montoj kaj vartas en la Alpoj kaj en Ĵuraso 98 savstaciojn kun 3000 montarsavantoj kaj 80 savspecialist-helikopteroj.

SAC estas membro de la Internacia Alpoprotekto-Komisio KIPRA.

Eksteraj ligiloj[redakti | redakti fonton]