Terpomfingroj

El Vikipedio, la libera enciklopedio
Saltu al: navigado, serĉo
Terpomfingroj

Terpomfingroj, ankaŭ nomataj terpom-fritoj[1] (PIV) aŭ fritoj[1] (Hejma vortaro), estas frititaj fingrolongaj bastonetoj el terpomo. Ili originas el Belgio kaj Francio, kaj nuntempe estas tutmonde manĝataj kiel aldona manĝaĵo aŭ rapidmanĝaĵo.

Ili estas vaste kaj internacie konataj sub la francdevena termino pommes frites. El ĉi tiu termino devenas la kutimaj germanaj terminoj "Pommes" (prononco: POmes) aŭ "Fritten" (prononco: FRItn), per kiu oni ĝenerale mendas ĉe "Frittenbude" (surstrata vendejo por rapidmanĝo). La aldonan saŭcon oni elektas laŭ la koloro "Fritten weiss" (blanka, kun majonezo) aŭ "Fritten rot" kun keĉupo.

Pri la (mal-)saniga efiko estas disputo. Ĝenerale ili havas tre altan energian valoron pro la graso kutime uzata por kuirado kaj pro la aldonaj saŭcoj. La tradicia belga metodo, kiu uzas freŝajn terpomojn frititajn dufoje je malsama temperaturo estas pli konsilinda ol uzo de antaŭtranĉitaj frostigitaj bastonetoj, kiujn oni fritas en graso je malĝusta temperaturo.

Alternative oni povas varmigi la preparitajn kaj antaŭfrititajn terpomojn en la seka varmeco de forno sen graso.

Piednotoj[redakti | redakti fonton]

  1. 1,0 1,1 Tiuj du formoj tamen kontraŭas la fakton ke "frit/" estas verba radiko, kaj pro tio povas esti konsiderataj evitindaj.

Vidu ankaŭ[redakti | redakti fonton]