Unabhängige Sozialdemokratische Partei Deutschlands

El Vikipedio, la libera enciklopedio
Saltu al: navigado, serĉo
Invito al konferenco en Gotha, kie fondiĝis la partio USPD

Unabhängige Sozialdemokratische Partei Deutschlands (USPD, esperante: Sendependa Socialdemokratia Partio de Germanujo) estis socialista partio en Germanujo. Ĝi ekzistis de 1917 ĝis 1922 kiel amasa partio sed poste nur kiel malgranda splitaĵo. En 1931 oni dissolvis ĝin.

Ĝi estiĝis dum la unua mondmilito pro protesto de maldekstraj socialdemokratoj kontraŭ la politiko de la plimulto en la partio (SPD), kiu principe subtenis la registaron. Sian plej grandan influon la partio havis en la Novembra Revolucio en 1918, kiam ĝi komune kun la SPD formis la registaron (Konsilio de Popolkomisiitoj). Dum iom da tempo ĝi havis preskaŭ duonan milionon da membroj, simile kiel SPD.

USPD disdividiĝis en oktobro 1920 pri la demando ĉu aliĝi al la Komunista Internacio de Lenin. La plimulto de la partia kongreso tiam aliĝis al la komunistoj al Vereinigte Kommunistische Partei Deutschlands, kaj la resto reiris en 1922 al SPD. Nur danke al la plimulto de USPD la komunistoj entute ricevis amasan bazon en Germanio.