Vaganto super Nebulmaro

El Vikipedio, la libera enciklopedio
Saltu al: navigado, serĉo
Vaganto super Nebulmaro
Vaganto super Nebulmaro
Caspar David FriedrichDer Wanderer über dem Nebelmeer), ĉ. 1818
Oleo sur tolo
94,8 cm × 74,8 cm cm
Kunsthalle de Hamburgo (Hamburgo)
v  d  r
Information icon.svg

Vaganto super Nebulmaro (germane Der Wanderer über dem Nebelmeer) estas pentraĵo plenumita ĉirkaŭ la jaro 1818 de la germana romantikista pentristo Caspar David Friedrich. Ĝi estas kutime rigardita kiel la plej fama majstroverko de tiu artisto, kaj iasence fariĝis ikono de la romantikisma movado.

La pentraĵo bildigas viron, eble Friedrich mem, starante pinte de alta monto. Videblas nur lia dorso (kutima efekto en la verkaro de tiu artisto). La homo staras antaŭ granda amaso da nebulo. Ankaŭ estas vico da gigantaj montoj en la fono. La plej granda parto de la pentraĵo estas tamen kovrita de la ĉielo.

La bildo estas posedaĵo de Kunsthalle Hamburg, kie ĝi estas ekspoziciata.