Hamburgo

El Vikipedio

germane Hamburg

Hamburgo 1895

La libera kaj hansa urbo Hamburgo kiel urbo-ŝtato estas federacia lando de Federacia Respubliko Germanio. Ĝi estas la dua plej granda urbo de Germanio kaj la sesa plej granda urbo de Eŭropa Unio. La urbo estas la koro de la samnoma metropola regiono Hamburgo.

Loko: 53.53 Norde, 9.98 Oriente
Horzono: CET (UTC+1h) (UTC+2h de aprilo ĝis oktobro)
Areo: 755 km²
Loĝantaro: 1,73 milionoj (2,55 milionoj en la aglomeraĵo en 2000)

Enhavo

1 Partneraj urboj
2 Futbala Mondpokalo 2006
3 Esperanto en Hamburgo
- 3.1 Retaj ligiloj

[redaktu] Partneraj urboj

Hamburgo estis unu el la gastigantaj urboj de la Futbala Mondpokalo 2006

Sankt-Peterburgo, Rusio, ekde 1957
Marseille, Francio, ekde 1958
Ŝanghajo, Popola Respubliko de Ĉinio, ekde 1986
Dresdeno, Saksonio, Germanio, ekde 1987
Osako, Japanio, ekde 1989
León, Nikaragvo, ekde 1989
Prago, Ĉeĥio, ekde 1990
Ĉikago, Usono, ekde 1994

[redaktu] Futbala Mondpokalo 2006

Inter la 9a de junio kaj la 9a je julio 2006 en Germanio okazis la Futbala Mondpokalo, inter alie en Hamburgo. En la nove konstruita stadiono, teknike plej moderna, kiu dum la turniro havas 51.005 sidlokojn, okazis pluraj matĉoj. Sur ekranego en la kampego Heiligengeistfeld en urboparto Sankt Pauli eblis spekti ĉiujn matĉojn.

Hamburgo 1800

[redaktu] Esperanto en Hamburgo

La urbo ekde la jaro 1904 havas unu el la plej viglaj kaj tradiciaj Esperanto-kluboj de Germanio. La 12-an de septembro 1910 L. L. Zamenhof per ŝipo alvenis en Hamburg, revenante de la sesa Universala Kongreso de Esperanto en Vaŝingtono. Ekde la jaro 1960 en Hamburgo ekzistas strato kun la nomo Zamenhofweg en la kvartalo Farmsen kaj ekde 1971 Esperanto-arbo kun memortabulo en la urboparto Horn.

De la 1960-aj jaroj la Hamburga Esperanto-Societo havas propran klubejon. Inter la 27-a de decembro 1965 kaj la 3-a de januaro 1965 la 9-a Internacia Seminario de Germana Esperanto-Junularo okazis en Hamburgo kaj pritraktis la temon "Li kaj ŝi - junaj homoj en la moderna mondo"; ankaŭ la 15-a Internacia Seminario inter decembro 1971 kaj januaro 1972 gastis en la urbo kaj debatis la temon "Homo kaj tekniko".

Inter la jaroj 1980 kaj 1986 la administrejo de Germana Esperanto-Junularo troviĝis en Hamburgo, en fazo, kiam pli kaj pli da junuloj interesiĝis pri Esperanto, kaj dumnokte en kelo iuj volontuloj per malnovaj presmaŝinoj presis milojn da Esperanto-informiloj, ĉar mankis mono profesie presigi informajn materialojn. Tiumaniere dum pluraj jaroj produktiĝis ankaŭ ekzemple la eŭropa renkontiĝo-bulteno "Koncize" kaj la listo de gastigantoj "Pasporta Servo".