Valle Gran Rey

El Vikipedio, la libera enciklopedio
Saltu al: navigado, serĉo
Valle Gran Rey
municipo
Flag of Valle Gran Rey.svg
Flago
Escudo valle gran rey.png
Blazono
Ŝtato Flago de Hispanio  Hispanio
Aŭtonoma komunumo Flag of the Canary Islands.svg Kanarioj
Provinco Provincia de Santa Cruz de Tenerife - Bandera.svg Sankta Kruco de Tenerifo
Insulo Bandera La Gomera.PNG La Gomera
Koordinatoj 28°6′0″N 17°16′0″W  /  28.1°N, 17.26667°U / 28.1; -17.26667 (Valle Gran Rey)
Areo 36,3 km² (3 630 ha)
Loĝantaro 5,364 (2011)
Horzono UTC±0
 - somera tempo UTC+1
Poŝtkodo 38870
situo de La Gomera inter la Kanarioj
situo de La Gomera inter la Kanarioj
la komunuma areo
la komunuma areo
Commons-logo.svg Vikimedia Komunejo: Valle Gran Rey

Valle Gran Rey - hispane, en traduko "valo de la granda reĝo" - estas unu el ses municipoj de la insulo La Gomera, parto de la insularo Kanarioj en la Atlantika Oceano, kiu geografie apartenas al Afriko sed politike estas parto de Hispanio. La municipa nomo aludas al la guanĉa tribestro Hupalupa, kiu en 1488 mortis en batalo kontraŭ la hispanaj koloniistoj.

La municipo kovras la okcidenton de la insulo. Plej multaj municipanoj loĝas en la samnoma valo, kiu havas abundajn fruktoplantejojn (precipe bananoj kaj oranĝoj), multajn palmojn, kaj marborde plurajn plaĝojn de fajna, malhelgriza sablo - administra centro de la municipo estas la loĝloko La Calera, marborde en la valo situas la loĝlokoj Vueltas (la municipa haveno), Borbalán kaj La Playa, kaj pli alte en la valo ol La Calera, pli malproksime de la maro, inter alie la loĝlokoj Los Granados, El Hornillo, La Vizcaína kaj El Retamal. Ekster la geografia valo, sed parto de la municipo, krome aldoniĝas inter alie la loĝlokoj Las Hayas, Arure kaj Taguluche.

En la dua duono de la 20-a jarcento la loĝloko Valle Gran Rey iĝis centro de eŭropaj ekologiemuloj, alternativemuloj kaj hipioj, aparte el Germanio, Aŭstrio kaj iom malpli el Anglio. Nun la loko estas la turisma centro de la insulo, sed ankoraŭ nun la turismo estas pli ekologia ol en la aliaj insuloj de la Kanarioj, la hoteloj malpli grandaj, kaj multaj feriantoj preferas migri kaj grimpi sur la insulaj montaj padetoj ol sunbruniĝi plaĝe.

pejzaĝa impreso