Zahedano
Zahedano, perse زاهدان estas metropolo kaj universitata urbo en sudorienta parto de Irano, kie estas ĉefurbo de la provinco Sistano kaj Beluĉistano.
Bazaj informoj
- 29° 29′ 52″ N 60° 52′ 22″ O / 29.49778 °N, 60.87278 °O (mapo)Koordinatoj: 29° 29′ 52″ N 60° 52′ 22″ O / 29.49778 °N, 60.87278 °O (mapo)
- Areo: km²
- Supermara alteco: 1352 m
- Loĝantaro: 552.206 en 2006
- Horzono: UTC + 3:30
- Aŭtokodo:
- Poŝtkodo:
- Telefonkodo:
Geografio
Zahedano situas en montara ĉirkaŭaĵo en valo. Pakistano troviĝas je 50, Afganio je 60, Tehrano je 1605 km-oj.
Historio
Zahedano havas malnovajn ruinojn, tamen menciinda historio komenciĝis en la 20-a jarcento. Pli frue ĝi estis nur vilaĝo. Ĝi estis provinca administra centro en la 1930-aj jaroj. Pro la afgania milito la loĝantaro pligrandiĝis.
Ekonomio
Zahedano supozeble estas la plej malriĉa urbo de Irano. La industrio estas ne tro moderna (produkto de brikoj, rizo-senŝeligo, produkto de nutraĵoj, furaĝoj, teksaĵoj, tapiŝoj, ceramikaĵoj, korboj, ujoj ks.).
Trafiko
Aŭtovojoj ligas Zahedanon al Tehrano, al Maŝhado, al la maro kaj al Pakistano. Longe funkcias fervojo al Pakistano kaj ekde 2009 ankaŭ al irana fervoja reto. La urbo havas internacian flughavenon.