Lode Craeybeckx

Lode Craeybeckx
Persona informo
Naskiĝo	24-an de novembro 1897 (1897-11-24) en Antverpeno
Morto	25-an de julio 1976 (1976-07-25) (78-jaraĝa) en Antverpeno
Lingvoj	nederlanda vd
Ŝtataneco	Belgio vd
Alma mater	Genta Universitato vd
Partio	Socialistische Partij Anders vd
Profesio
Okupo	politikisto ĵurnalisto vd
Postenoj Postenoj member of the Chamber of Representatives of Belgium (en) vd
Honorigoj Honorigoj  Granda Meritkruco kun Stelo de la Federacia Respubliko Germanio vd
vd	Fonto: Vikidatumoj

Lode CRAEYBECKX (naskiĝis la 24-an de novembro 1897 en Antverpeno, mortis samurbe la 25-an de julio 1976) estis urbestro de Antverpeno de 1947 ĝis sia morto en 1976, tiel iĝanta la plej longe servanta urbestro de la urbo en ĝia historio.

Biografio

François Ferdinand Louis Craeybeckx (li mem uzis tamen la flandran nomon Lode) estis la filo de policisto el Limburgo kaj patrino de Lieĝo. Li studis ĉe la Reĝa Ateneo de Antverpeno antaŭ iri al la nova Universitato de Gento en 1917. Pro kunlaborado kun la germanaj okupantoj dum la Unua Mondmilito li estis kondamnita al malliberejo dum kvin jaroj, sed li estis liberigita post du jaroj.

Lode Craeybeckx geedziĝis kun Irma Lauwers en 1921. Ili havis du infanojn, Hilde kaj Herman. De 1925 ĝis 1931 li laboris kiel ĵurnalisto por la gazeto De Volksgazet.

En 1932 Craeybeckx komencis funkcii kiel advokato kaj eniris la mondon de politiko. Li iĝis konsilisto en Deurne por la Belga Socialista Partio. La saman jaron li eniris la parlamenton, kie li restis ĝis 1968. Li estis la posteulo de Willem Eekelers kiel urbestro de Antverpeno en 1947 kaj restis en tiu pozicio dum preskaŭ tridek jaroj, rekordo por la urbo.

De 1933 ĝis 1937 li estis municipestro de Deurne.

Atingoj

Dum lia ofico kiel urbestro Antverpeno estis masive ŝanĝita. La RUCA-universitato (1965) kaj la UIA-universitato (1971) estis fonditaj (ambaŭ estis kunfanditaj kun la pli malnova UFSIA en la Universitato de Antverpeno en 2003). Muzeo Middelheim, subĉiela muzeo por modernaj skulptaĵoj, estis kreita en 1951. La urbo ricevis plibonigitan trafikinfrastrukturon kaj la urbo kaj la Haveno de Antverpeno estis forte vastigitaj.

Dum tiu periodo multaj el la pli malnovaj konstruaĵoj de la urbo, intervalantaj de la Mezepoko ĝis la 19-a jarcento, estis anstataŭigitaj per modernaj turdomoj, de kiuj multaj estis kritikitaj por esti banalaj aŭ malbelaj.