Tibor Varga

Tibor Varga
Tibor Varga
Persona informo
Naskiĝo	4-an de julio 1921 (1921-07-04) en Győr
Morto	4-an de septembro 2003 (2003-09-04) (82-jaraĝa) en Grimisuat
Lingvoj	angla • ĉeĥa
Ŝtataneco	Hungario
Alma mater	Muzikakademio Franz Liszt • Universitato Eötvös Loránd
Familio
Infano	Gilbert Varga
Okupo
Okupo	dirigento • muzikinstruisto • universitata instruisto • komponisto • violonisto • tradukisto • interpretisto
TTT
Retejo	http://www.tiborvarga.ch

Tibor Varga, laŭ hungarlingve kutima nomordo Varga Tibor estis hungara violonisto, dirigento, altlerneja instruisto.

Tibor Varga naskiĝis la 4-an de julio 1921 en Győr (Hungario), li mortis la 4-an de septembro 2003 en Grimisuat (Svislando).

Biografio

Tibor Varga estis mirinfano, en aĝo 6 li jam violonadis antaŭ publiko. En aĝo 10 li komencis studi en Muzikarta Altlernejo Ferenc Liszt. Lia violonmajstro estis Jenő Hubay. Li plulernis en Berlino de Károly Flesch. Li aĝis 14, kiam li koncertis en Eŭropo. Dum la 2-a mondmilito li studis filozofion en Scienca Universitato Péter Pázmány. Li translokiĝis al Londono en 1947, kie li fariĝis brita civitano. Inter 1949 kaj 1984 li estis instruisto de muzikakademio en Detmold, kie li fondis orkestron en 1954. En la sekva jaro li ekloĝis en Svislando kaj en 1964 li organizis la Festivalon Tibor Varga en Sion, kie li prizorgis sian propran muzikakademion. Li ankaŭ instruis en Mozarteum de Salcburgo kaj en Graz. Li ricevis germanajn, francajn, svislandajn kaj hungarajn premiojn. Li havis edzinon, kiu naskis 2 gefilojn.

Lia komponaĵo

• Capriccio-Etude iĝis oficiala himno en konferenco de eŭropaj rektoroj en Graz (2003)

Memorigiloj

• Tibor Varga Muzikakademio (Sion, 1963)
• Tibor Varga internacia violonkonkurso (1967-)
• Tibor Varga Festivalo, (Sion, 1964-2001)

Fontoj

• hungarlingva biografio
• [1] angle
• [2] angle
• [3] angle