Bonina palumbo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Bonina palumbo (Columba versicolor) estis birdospecio de la familio de Kolombedoj, Columbidae, kiu estis endemio de la insuloj Nakodo-ĵima kaj Ĉiĉi-ĵima en la Ogasavaroj, sude de Japanio.[1] Ĝi estis konata nur el kvar registritaj specimenoj, el kiuj la unua el 1827 kaj la lasta el 1889.[2] Ili averaĝe estis 45 cm longaj. Tiu kolombo estis formortinta fine de la 19-a jarcento kiel rezulto de senarbarigo, ĉasado kaj predado fare de enmetitaj ratoj kaj katoj.[3]
Description[redakti | redakti fonton]
La Bonina palumbo estis mezgranda kolombo, kun averaĝa longo de 45 cm. La supraj partoj de la korpo de tiu kolombo estis grizec-nigraj kun irizeco escepte en flugiloj kaj vosto. Kapoverto havas verdec-purpuran irizecon, dum mantelo ĝis pugo irizeco montras violajn, ametistajn kaj turkisajn brilojn. Skapularaj kaj ceteraj mantelplumoj estas orverdece brilaj kun bronzaj briloj; flugilkovriloj estas malhelturkize verdecaj kun blua nunaco. La supra vosto havas orverdecajn plumopintojn. Brusto al ventro havas verdajn kaj violajn irizecon, pli forte en la brusto.
Lasta konfirmita vidaĵo[redakti | redakti fonton]
La Bonina palumbo estis konfirmita formortinta en la printempo de 1889 kaj la lasta vidaĵo okazis en la arbaroj de Nakodo-Jima, Japanio.[4]
Reproduktado[redakti | redakti fonton]
La Bonina palumbo kutime pariĝas en arboj en la arbaroj. Ties ovoj estis partikulare predataj de korvedoj kaj de aliaj naturaj predantoj. Ili normale demetis du ovojn kaj eloviĝo okazis post 17 ĝis 19 tagoj, same kiel nuntempaj aliaj palumboj.
Notoj[redakti | redakti fonton]
- ↑ Bonin wood pigeon - Google Search. Alirita 2019-02-11.
- ↑ Bonin Woodpigeon – Planet of Birds (en-US). Alirita 2019-02-11.
- ↑ Bonin Woodpigeon (Columba versicolor) Extinct bird species. Alirita 2019-02-11. [rompita ligilo]
- ↑ Nature Picture Library - Extinct pigeons 3. Clockwise from top left: Madeira wood pigeon (Columba palumbus maderensis) Extinct 1904, Lord Howe pigeon... (angle). Alirita 2019-02-11.
Referencoj[redakti | redakti fonton]
- Gibbs, Barnes kaj Cox, Pigeons and Doves (Pica Press 2001) (ISBN 1-873403-60-7)
- del Hoyo J., Elliott A. & Sargatal J. (1997) Handbook of the Birds of the World, Volume 4, Sandgrouse to Cuckoos. BirdLife International, Lynx Edicions, Barcelona, 679 p.
- Prin J. & G. (1997) Encyclopédie des Colombidés. Éditions Prin, Ingré, 551 p.
Eksteraj ligiloj[redakti | redakti fonton]
- Kittlitz, Heinrich von (1832): Kupfertafeln zur Naturgeschichte der Vögel 1: 5, plate V/2. Frankfurt.
- International Dove Society (drawing)