Ŝetlandaj Insuloj

El Vikipedio, la libera enciklopedio
Jump to navigation Jump to search
La flago de Ŝetlandaj Insuloj
Vementry.jpg

Ŝetlandaj Insuloj (angle: Shetland [ŝetland], skotgaela lingvo: Sealtainn) estas insularo norde de Skotlando, kaj krome estas unu el la 32 lokaj administraj regionoj ("konsiliaj areoj") de Skotlando. Ĝi apartenas al la Nordaj Insuloj de Skotlando. La loĝantoj estas nordianidoj, sed hodiaŭ (dialekte) angloparolantaj. La flago kun Skandinavia kruco sed Skotaj koloroj simbolas tion.

Historio[redakti | redakti fonton]

La Ŝetlandaj insuloj, aŭ Ŝetlandoj, estis frue loĝataj de vikingoj, kaj dum 500 jaroj ili apartenis al Norvegio. En 1472, Skotlando ekregis Ŝetlandon, tiam nomata Hjaltland. Iompostiome la skandinavan lingvon Norn anstataŭis skota dialekto. Dum la Dua mondmilito norvegaj fuĝintoj alvenis tien, ĉar jenaj insuloj plej proksimas al Norvegio de ĉiuj ejoj de Britio. (Vidu ankaŭ je Nordio.)