Agnio

El Vikipedio, la libera enciklopedio
(Alidirektita el Agni)
Saltu al: navigado, serĉo
Agnio: dio de la fajro

Agnio (sanskrite अग्नि, Agni) estas dio en hinduismo. La vorto en Sanskrito signifas fajron. Li estas la dio de fajro kaj la akceptanto de oferoj. La oferoj faritaj al Agnio celas aliajn diojn, ĉar Agnio estas la mesaĝisto al aliaj dioj. Li estas ĉiam juna kaj senmorta. Agnio estas la fajro de la suno, la fulmo, kaj la fajro en la doma fajrejo. Foje oni diras, ke Agnio estas la ĝemela frato de Indra, kaj kiel Indra li naskiĝis kun plena poveco kaj vigleco. Oni pretendas, ke Agnio estas la filo de dek patrinoj, kiuj ĉiuj estas fratinoj; tiuj reprezentas la dek fingrojn de la homo. [1]

Agnio amas kaj estas amata de ĉiuj siaj adorantoj. Li vizitas ĉies fornon, ĉu riĉulo aŭ malriĉulo. Li estas la peranto inter la dioj kaj la homaro.

Agnio estis tiom grava al la antikvaj baratanoj, ke 200 himnoj en la Rigvedo alvokas lin, kaj ĝiaj dek ĉapitroj komencas kun laŭdoj al li. Agnio ankaŭ havas la povecon fari homojn senmortaj kaj forigi ĉiujn pekojn, kiam oni estas mortanta. En malfruaj epokoj la adorado de Agnio malpliiĝis, kaj li fariĝis enkarniĝo de Ŝivo aŭ de Brahmao. Finfine li estas nur alvokita per amantoj, kaj viroj, kiuj volas pliigi sian virecon.