Aishwarya Rai

El Vikipedio, la libera enciklopedio
Salti al navigilo Salti al serĉilo
Aishwarya Rai
Aishwarya Rai en 2007
Aishwarya Rai en 2007
Naskonomo Aishwarya Rai
Naskiĝo 1-an de novembro 1973 (1973-11-01) (45-jara)
en Barato Mangaloro, Karnatako, Barato
Kromnomo(j) Aishwarya Rai Bachchan
Aktivaj jaroj 1997 – nuntempo
Edz(in)o Abhishek Bachchan (2007–nuntempo)
Oficiala retejo www.aishwarya-spice.com
Information icon.svg
vdr

Aishwarya RAI, ankaŭ nur Aiŝvarja (ऐश्वर्या रय en la nagario) estas aktorino fama pro siaj multaj roloj en hindiaj, tamilaj, bengalaj kaj anglalingvaj filmoj.

Ŝi estis venkinto de beleca konkurso (Miss World 1994, en aĝo de 20), profesia modelulino kaj aktorino same en Bolivudo kaj ankaŭ en Hollywood-filmoj.

Rai aperis en modaj magazinoj kiel en la hinda Vogue; ŝi aperis en internacia reklamo por L'Oréal Parizo, De Beers (diamantoj), kaj Coca-Cola.

Post sia venko kiel belulino, ŝi eluzis la konatecon por iĝi aktorino: ŝi debutis en filmo de Mani Rathnam Iruvar (1997). Ŝia apero en la fruaj filmoj estis akre kritikita kaj oni nomis ŝian ludon nevera. Krom la hidaj filmoj, ŝi aktoris en tamilaj filmoj.

La gravan sukceson portis por ŝi la filmo Devdas, en kiu Rai rolis kun Bollywood-stelulo Shahrukh Khan kaj Madhuri Dixit. La filmo estis nomumita al Oskaro kaj oni prezentis ĝin en Cannes kiel la unuan hindan filmon dum la filma festivalo.

En 2003, Rai mem estis jam ĵuriano de Filmfestivalo de Cannes. En 2004, la Time Magazine elektis ŝin al inter la "100 plej influhavaj homoj de la mondo". Ŝi tiel populariĝis, ke oni nomis ŝin plej bela virino de la mondo kaj ŝi ricevis vaksfiguron en la panoptiko de Madame Tussauds.

Rai geedziĝis kun aktoro Abhishek Bachchan, en 2007. Ŝi naskis filinon en 2011.

Eksteraj ligiloj[redakti | redakti fonton]