Al-Adid
| Al-Adid | |||||
|---|---|---|---|---|---|
| Fatimida Kalifo | |||||
| Persona informo | |||||
| العاضد لدين الله | |||||
| Naskiĝo | 16-an de majo 1151 en Kairo,  Fatima kaliflando
| ||||
| Morto | 13-an de septembro 1171 (20-jaraĝa) en Kairo, Fatima kaliflando
| ||||
| Religio | islamo vd | ||||
| Familio | |||||
| Dinastio | Fatimidoj vd | ||||
| Patro | Al-Zafir (en)   vd
| ||||
| Profesio | |||||
| Okupo | kalifo guberniestro vd
| ||||
| |||||
| vd | Fonto: Vikidatumoj | ||||
Abū Muḥammad ʿAbd Allāh ibn Jūsuf (en araba: أبو محمد عبد الله بن يوسف; 1151–1171), pli bone konata per sia reganta nomo al-ʿĀḍid li-Dīn Allāh (en araba: العاضد لدين الله, laŭvorte 'Subtenanto de la dikredo'), estis la 14-a kaj lasta kalifo de la Fatimida dinastio, kaj la 24-a imamo de Hafizia Ismailismo, reganta de 1160 ĝis 1171.
Li alvenis al la trono estante ankoraŭ infano, kaj pasigis sian regadon kiel pupo en la manoj de variaj potencaj homoj kiuj estis veziroj, kaj estis nur atestanto de la falo de la Fatimida Kaliflando. Dum lia regado, kaj la krucmilita Jerusalema reĝlando kaj la Sunaisma reganto de Sirio nome Nur al-Din venis al luktado en Kairo profite de la malfortigo de la Fatimida ŝtato por la plenumo de siaj postuloj al la lando. Dum ioma da tempo, la veziro Ŝaŭar klopodis kunfronti unu partion kontraŭ la alian, sed en Januaro 1169, la generalo de Nur al-Din nome Ŝirkuh finfine sukcesis elpostenigi Ŝaŭar kaj okupi Kairon. Kvankam li mortis tuj poste, li estis sukcedita de sia nevo, Saladino, kiu ne nur plifirmigis sian povon super Egiptio, sed ankaŭ sukcesis malmunti la fatimidan reĝimon. Fatimidaj lojaloj estis forigitaj el la armeo, kaj Ismailismo estis laŭgrade abolita kiel la ŝtata religio favore al Sunaisma Islamo, kio rezultis en la oficiala proklamo de la Abasida suvereneco en Septembro 1171. Al-Adid mortis kelkajn tagojn poste. Lia familio estis tenita en hejma arestado, kaj Ismailismo estis persekutita de la nova Ajubida reĝimo de Saladino, tiel ke unu jarcenton post la falo de la Fatimida reĝimo, ĝi preskaŭ estis malaperinta el Egiptio.
Bibliografio
[redakti | redakti fonton]- Brett, Michael (2017). The Fatimid Empire. The Edinburgh History of the Islamic Empires. Edinburgh: Edinburgh University Press. ISBN 978-0-7486-4076-8.
- Canard, Marius (1965). "Ḍirg̲h̲ām". En Lewis, B.; Pellat, Ch. & Schacht, J. (eld.). The Encyclopaedia of Islam, Nova Eldono, Volume II: C–G. Leiden: E. J. Brill. pp. 317–319. OCLC 495469475.
- Daftary, Farhad (2007). The Ismāʿı̄lı̄s: Their History and Doctrines (Dua eld.). Cambridge: Cambridge University Press. ISBN 978-0-521-61636-2.