Alobras

Alobras
municipality of Aragon
Blazono
Administrado
Poŝtkodo	44134
Demografio
Loĝantaro	71  (2023) [+]
Loĝdenso	2 loĝ./km²
Geografio
Geografia situo	40° 11′ N, 1° 23′ U (mapo)40.1793207-1.3886401 [+]
Alto	1 100 m [+]
Areo	30,722169 km² ( 307 2.2 169 ha) [+]
Horzono	UTC+01:00 [+]
Alobras (Provinco Teruelo) DEC Alobras Situo de Alobras
Alobras (Hispanio) DEC Alobras Situo de Alobras
Alia projekto
Vikimedia Komunejo Alobras [+]

Alobras [aLObras] estas vilaĝo kaj municipo de la provinco Teruelo (nordorienta Hispanio), nome en la suda komarko Komunumo de Teruelo, kies komarka ĉefurbo estas la provinca ĉefurbo mem, Teruelo.

Geografio

Panoramo.

Preĝejo.

Ulmo ĉe la preĝejo.

Ĝi estas je 43 km de Teruelo, provinca ĉefurbo. Alobras apartenas al grupo de kvar municipoj kiuj okupas sudokcidentan terlangon de la komarko: nome Tormón plej norde je 3 km, Alobras meze kaj Veguillas de la Sierra je 3 km kaj El Cuervo plej sude jam lime kun Rincón de Ademuz, eksklavo de la provinco Valencio. Krome okcidente estas limo kun la provinco Kvenko. Veturado al Teruelo eblas nur farante du ĉirkaŭojn unuan dekstren kaj duan maldekstren por alveni ĝis Gea de Albarracín.

La loĝloko staras je 1110 m super marnivelo sur montaro, kio ebligas arbarojn de pinoj, kverkoj kaj juniperoj.

Historio

La zono venis al posedo de kristanoj post la venko de Alfonso la 1-a la Batalema en la batalo de Cutanda. Sed eble la kristanoj perdis ĝin dum la krizo kiu sekvis la morton de Alfonso la 1-a. Nur dum la regado de Alfonso la 2-a de Aragono estis klara dominado fare de kristanoj. En la Mezepoko estis kastelo, de kiu restas nur minimumaj restaĵoj.

Aktualo

Bazo de ekonomio estis agrikulturo (cerealoj), forstado kaj brutobredado (ŝafoj). Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj tiukadre ankaŭ en Alobras oni malaltiĝis ĝis nunaj 65 loĝantoj.

Vidindaĵoj estas la preĝejo kaj la ermitejo de Sankta Roĥo, kaj grandaj singularaj arboj.

Vidu ankaŭ

• Municipoj de la provinco Teruelo