Anaksagoro (mitologio)

Ĉi tiu artikolo temas pri mitologia rolulo. Por aliaj signifoj vidu la artikolon Anaksagoro.

Anaksagoro
rolulo de helena mitologio
Informoj
Sekso	vira
Patro	Argeus
Infanoj	Alector

Laŭ la helena mitologio, Anaksagoro aŭ Anaksagoraso (el la greka Αναξαγόρας, «reĝo de la merkatplaco») estis reĝo de Argolando kaj filo ĉu de Megapento, ĉu de lia filo Argeo.

Templo de Hero en Argo, la ĉefurbo de Argolando dum la regado de Anaksagoro.

Dum lia regado, la dio Dionizo frenezigis la virinaron, kaj la reĝo promesis rekompencon al tiu, kiu sukcesus resanigi ilin. Oni vokis Melampon, loka divenisto, sed la prezo kiun li postulis (triono de la reglando) estis troa laŭ Anaksagoro. Tiam, la virinoj iĝis eĉ pli frenezaj, do la reĝo finfine konsentis peti helpon al la divenisto. Profitante la malesperan situacion, Melampo plialtigis sian postulon kaj petis kroman trionon de la reglando por lia frato Biaso, sukcese. Pro tio, dum kelkaj jaroj, Argolando estis dividitaj en tri regnojn.

Alternativa versio

Laŭ alternativa versio, tamen, tio ne okazis dum la regado de Anaksagoro, sed dum tiu, de sia avo Preto. Troviĝas ankaŭ rakonto laŭ kiu tiu, kiu suferis la mensan malsanon estis filo de Anaksagoro, anstataŭ la loka virinaro. Laŭ ĝi, Melampo oferis okson por paroli kun la vulturoj kiuj venos manĝi ĝian kadavron. La funebraj birdoj, krom laŭdi la festenon kaj memori la lastan (kiam la reĝo plenumis oferadon), klarigis al la divenisto la kialon de la malbeno: kiam la princo estis bebo, la granda kaj sangmakulita tranĉilo de lia patro timigis lin. Pro tio, Anaksagoro ĵetis ĝin for, kaj hazarde ĝi enbatis proksiman arbon kaj vundis ĝian hamadriadon. Ŝi tiam malbenis la princon, sed poste ŝi laŭpete instruis al Melampo la manieron liberiĝi el la malsano. Oni devis eltiri la tranĉilon el la arba trunko kaj boligi ĝin. La rusta akvo rezultanta, drinkata de la princo, nuligis la malbenon.

Post la morto de Anaksagoro, lia filo Alektoro heredis la reĝlandon. Ilia dinastio daŭris pli ol tiu, de Melampo kaj Biaso, do posteulo de Anaksagoro nomiĝinta Kidanipo aŭ Kilabareso finfine sukcesis unuigi Argolandon denove.

Genealogia arbo de la Mitaj reĝoj de Argolando

Megapento                                                                                                                                                                                       Argeo                       Ifianiro   Melampo   Lizipo           Ifianaso   Biaso   Pero                                                                                                                                                                         Anaksagoro       Pronoo   Mantio   Biaso   Manto     Tiodamaso   Abaso   Kireno                                                                                                                                                                     Alektoro   Polifido   Klejto   Oiklo   Zeŭksipo   Antifato   Kerano   Idmono   Lisimaĥo   Talao                                                                                                                                                         Ifiso   Teoklimeno           Hipermnestro   Oiklo   Amfalko   Poliido   Eŭĥenoro         Aristomaĥo   Pronakso                                                                                                                                                                                 Polibeo   Ifianiro   Amfiarao   Erifilo   Mekisteo   Partenopeo     Adrasto   Amfiteo                                                                                                                                                 Evanipo   Hipomedono   Nealko

Antaŭe:	Mitaj reĝoj de Argolando	Poste:
Argeo	Anaksagoro	Alektoro, Melampo kaj Biaso