Angelika Kauffmann

El Vikipedio, la libera enciklopedio
Salti al navigilo Salti al serĉilo
Disambig.svg Por samtitola artikolo vidu la paĝon Kauffmann.
Angelika Kauffmann
Angelika Kauffmann - Self Portrait - 1784.jpg
Persona informo
Naskiĝo 30-an de oktobro 1741 (1741-10-30)
en Kurio
Morto 5-an de novembro 1807 (1807-11-05) (66-jara)
en Romo
Tombo Sant'Andrea delle Fratte
Lingvoj germana
Ŝtataneco SvislandoUnuiĝinta Reĝlando de Granda Britio kaj Irlando • Tri Ligoj
Subskribo Angelika Kauffmann
Familio
Patro Joseph Johann Kauffmann
Edz(in)o Antonio Zucchi
Parencoj Rudolf-Alois Kauffmann
Okupo
Okupo pentristo • gravuristo
Verkoj Portrait of Lady Clan Henderson
Portrait of David Garrick
Portrait of Winckelmann
Wikidata-logo.svg
Information icon.svg
vdr

Maria Anna Angelika KAUFFMANN RAA (30a de oktobro 1741 – 5a de novembro 1807), kutime konata foje kiel Angelica Kauffman,[1] estis svisa novklasikisma pentristino, kiu havis sukcesan karieron en Londono kaj Romo. Rememorita ĉefe pro siaj verkoj de historia pentrarto, Kauffmann estis ankaŭ lerta pentristo de portretoj, pejzaĝoj kaj ornamado. Ŝi estis unu el la du inaj fondomembroj de la Reĝa Akademio de Artoj en Londono en 1768.[2][3]

Kvankam Kauffman produktis multajn tipojn de arto, ŝi identigis sin ĉefe kiel histori-pentristo, nome malofta metio por virina artisto en la 18a jarcento. Historia pentrarto estis konsiderata la plej eliteca kaj monenspeziga kategorio en la akademia pentrarto dum tiu epoko kaj, sub la estreco de Sir Joshua Reynolds, la Reĝa Akademio klopodis promocii ĝin al indiĝena publiko pli interesata en komisio kaj aĉeto de portretoj kaj pejzaĝoj. Spite la popularecon kiun Kauffman ĝuis en la brita socio, kaj ŝian sukceson tie kiel artisto, ŝi estis seniluziiĝinta pro la relativa apatio de britoj al historia pentrarto. Finfine ŝi lasis Brition kaj iris al la kontinenta Eŭropo, kie historia pentrarto estis pli bone establita, tenita en pli alta estimo kaj patronigita.[4]

Historia pentrarto, kiel difinta en akademia artoteorio, estis klasita kiel la plej alta kategorio. Ĝia temo estis la reprezentado de homaj agoj bazita sur aferoj el historio, mitologio, literaturo kaj literaturo. Tio postulis etendan lernadon pri kelkaj fakoj kiel Biblia kaj klasika literaturoj, sciaro pri artoteorio kaj praktika trejnado kiu inkludas la studadon de anatomio el nudaj maskloj. Plej virinoj ricevis malakcepton por aliro al tia trejnado, speciale al la oportuno desegni el nudaj modeloj; tamen Kauffman sukcesis trapasi la genran limon por akiri la necesan lertecon por konstrui al si reputacion kiel sukcesa historipentristo kiu estis admirita de kolegoj kaj serĉita de patronoj.[5]

Notoj[redakti | redakti fonton]

  1. Kauffman estas preferata literumado ĉar estas la formo kiun ŝi mem uzis ple en la subskribo de korespondado, dokumentoj kaj pentraĵoj. Roworth 1992, p. 193.
  2. The Royal Academy n.d.
  3. "Angelica Kauffman: 1741–1807". The National Museum of Women in the Arts. n.d. Alirita la 4an de majo 2020.
  4. Roworth 1997, pp. 766–770.
  5. Roworth 1997, p. 766.

Bibliografio[redakti | redakti fonton]

  • Roworth, Wendy Wassyng (1997). "Kauffman [Kauffmann, Angelica".] En Gaze, Delia (eld.). Dictionary of Women Artists. 2. London and Chicago: Fitzroy Dearborn. pp. 764–770. ISBN 1-884964-21-4.