Antisepso
Antisepso (el la greka ἀντί anti, "kontraŭ"[1] kaj σηπτικός sēptikos, "putriga"[2] estas kontraŭmikrobaj substancoj kiuj estas surŝmiritaj al vivanta histo aŭ haŭto por redukti la eblecon de infekto, sepso, aŭ putrado. Antisepsaĵoj estas ĝenerale distingitaj de kontraŭbakteriaj substancoj kiuj kapablas transportiĝi tra la limfosistemo por detrui bakteriojn ene de la korpo, kaj de desinfektaĵoj, kiuj detruas unuĉelulojn trovitajn sur nevivaj objektoj.
Desinfektaĵoj ne mortigas bakteriojn ekzemple sur kirurgiaj instrumentoj; senĝermiga procezo estas postulata por tio. Eĉ steriligo eble ne detruas prionojn. Kelkaj antisepsaĵoj estas veraj seninfektigiloj, kapablaj je detruado de mikroboj, dum aliaj nur malhelpas aŭ evitas ilian kreskon. Kontraŭbakteriaĵoj estas antisepsaĵoj kiuj havas la elprovitan kapablon agi kontraŭ bakterioj. Mikrobmortigiloj kiuj detruas virusojn estas nomitaj virusmortigiloj kaj kontraŭvirusiloj.
Antisepsiloj
[redakti | redakti fonton]
Antisepsilo estas malinfektaĵo por surkorpa uzado. Ĝi estas substanco kiu mortigas aŭ preventas la kreskon de la bakterioj, fungoj kaj virusoj (mikro-organismoj) sur la eksteraj surfacoj de la korpo. Antisepsilo diferencas de antibiotiko, kiu agas nur kontraŭ la bakterioj kaj estas administrata pere de injektaĵo aŭ pere de la buŝo[3], kaj de la "bakteriofagoj" kiuj estas produktoj kiuj enhavas virusojn portantaj bakteriojn.
Antisepsaj produktoj
[redakti | redakti fonton]Ekzistas pluraj klasoj de antisepsaj produktoj, determinitaj laŭ ilia kemia strukturo kaj ilia efikeco. Inter la ĉefaj antisepiloj interalie natria hipokloritoo) kaj etanolo farita surbaze de alkoholo[4].
La malpli gravaj antisepsaj produktoj konsistas el kolorigiloj kiel la eozino, la solvaĵo de Milian, la fluoreskeino aŭ la metilenbluo.
Noto kaj referencoj
[redakti | redakti fonton]Tiu ĉi artikolo estas parta traduko de la artikolo Antiseptique en la franca vikipedio, listo de aŭtoroj.
Vidu ankaŭ
[redakti | redakti fonton]Referencoj
[redakti | redakti fonton]- ↑ Liddell, Henry George; Scott, Robert. "ἀντί". A Greek-English Lexicon. Perseus perseus.tufts.edu.
- ↑ Liddell, Henry George; Scott, Robert. "σηπτικός". A Greek-English Lexicon. Perseus perseus.tufts.edu.
- ↑ (en) Gerard J. Tortora, Berdell R. Funke kaj Christine L. Case, Enkonduko al mikrobiologio, Saint-Laurent, Kanado, Éditions du renouveau pedagogique, 2003, 945 p. (ISBN 978-2-7613-1345-2), paĝo 219.
- ↑ (fr) «Les antiseptiques» Arkivigite je 2012-06-15 per la retarkivo Wayback Machine (tabelo kaj konsiloj), retejo de la franca regiona hospitalo CHRU en Lille.