Arbaz

El Vikipedio, la libera enciklopedio
Saltu al: navigado, serĉo
Arbaz
Blazono de Arbaz
Blazono de Arbaz
Kantono Valezo
Distrikto Siono
Koordinatoj  46°16′28″N 7°23′1″O  /  46.27444°N, 7.38361°O / 46.27444; 7.38361 (Arbaz)Koordinatoj: 46°16′28″N 7°23′1″O  /  46.27444°N, 7.38361°O / 46.27444; 7.38361 (Arbaz)
Nombro de enloĝantoj 1090
Areo 19,29 km²
Alteco 1146 m super marnivelo
Poŝtkodo 1974
Komunumkodo 6261
Mapo de Arbaz
Situa mapo de Arbaz

Arbaz estas komunumo en la distrikto Siono en Kantono Valezo, Svislando. Ĝi havis 1090 loĝantojn je la 31-a de decembro 2011.

Geografio[redakti | redakti fonton]

La komunumo Arbaz situas en la franclingva Suba Valezo sur la norda flanko de la Valo de Rodano. Sur la komunuma teritorio en nordoriento situas sur alteco de 2362 m s.m. la kulmina haltejo de aertelfero, kiu komenciĝas en Anzère en la komunumo Ayent. La plej alta punkto de la komunumo situas sur alteco de 2886 m s.m. sur Col des Audannes en nordo de la komunumo. La komunumo konsistas el la vilaĝo Arbaz kaj la setlejoj Le Lazier kaj Mayens-d'Arbaz.[1]

La teritorio de la komunumo etendiĝas sur areo de 19,29 km², de kiuj 20,9% estas kovritaj de arbaro, 24,9% servas por agrikulturo kaj 5,1% por setlado. [2]

Najbaraj komunumoj[redakti | redakti fonton]

La komunumo Arbaz limas en nordo kaj oriento al Ayent, en sudo al Grimisuat, kaj en okcidento al Savièse.

Trafiko[redakti | redakti fonton]

Arbaz situas flanke de la gravaj trafikvojoj. Tra la komunumo pasas du konektaj vojoj de Ayent tra Arbaz kaj Grimisuat al Siono. La plej proksima alveturejo al la svisa aŭtovojo A9 situas 3 kilometrojn sude de la komunumo apud Siono. Pere de poŝtaŭtolinio al Grimisuat kaj Sioono la komunumo estas konektita al la publika transportreto.

Historio[redakti | redakti fonton]

La unua dokumenta mencio de Arbaz datiĝas el la jaro 1185 kiel Alba. Ĝis 1877 Arbaz apartenis al la komunumo Ayent kaj dividis ties historian sorton. Certan aŭtonomion Arbaz, kiu estis tiel nomita triono de Ayent, jam ĝuis ek de 1418. Okaze de la disiĝo la Arbazanoj postulis, ke ankaŭ la vilaĝeto Blingou estu atribuita al la nova komunumo Arbaz, sed tiu postulo ne plenumiĝis.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Danielle Allet-Zwissig: Arbaz en Historia Leksikono de Svislando (2011-06-10)

Eksteraj Ligiloj[redakti | redakti fonton]