Banaadir

El Vikipedio, la libera enciklopedio
Saltu al: navigado, serĉo

Benadir (somale: Banaadir, arabe: بنادر, Banādir) estas regiono (gobolka) de suda Somalio.

Ruĝa punkto indikas situon de Banaadir en Somalio

La regiona ĉefurbo estas Mogadiŝo, kvankam la propra regiono havas saman etendon kiel la urbo kaj estas multe pli malgranda ol la historia regiono de Benadir. Ĝi estas limigita de la somaliaj regionoj de Meza Shabele kaj Malsupra Shabele kaj oriente de la Hinda Oceano.

La somala vorto Banaadir devenas el la origina persa vorto bandar, kiu sugnifas havenon; tio aludas al la nordaj historiaj havenoj de Barawa kaj Mogadiŝo).

La 13a de julio de 1998 la estraranoj de diversaj somaliaj militpartioj (Husayn Muhammad Aydid, Ali Mahdi Muhammad, Uthman Hasan Ali, kromnome Uthman Ato, kaj Muhammad Qanyareh Afrah) subskribis traktaton de 7 punktoj en Mogadiŝo laŭ kiu oni formis la Supran Komitaton por la Administrado de Benadir estrita de du prezidentoj, nome Husayn Muhammad Aydid kaj Ali Mahdi Muhammad, kaj du vicprezidentoj, Uthman Hasan Ali, kormnome Uthman Ato, kaj Muhammad Qanyareh Afrah. Tiu Supra Komitato viglus por la interesoj de la regiono de Benadir kaj decidus pri ĉiu regiona afero, eĉ aprobante leĝojn. La regiono de Benadir akiris leĝan forton ekde la 18a de julio de 1998 kaj pro tio oni malfermis la havenon kaj flughavenon de Mogadiŝo. Ne oni adoptis regionan flagon.


Koordinatoj: 2°2′59″N 45°15′44″E  /  2.04972°N, 45.26222°O / 2.04972; 45.26222 (Banaadir)